11 FEBRUARY 2014(TUE)
小小豬一踏入三歲半，就有一個新挑戰，就係第一次出門去旅行啦！雖然比起其他小朋友，小小豬都已經算遲去旅行，目的地又咁近，不過話晒都係第一次唔係自己屋企瞓，所以都係一個挑戰嚟呀！
我地今次同埋小豬爸小豬媽仲有LULU妹一行六人去澳門玩兩日呀~
由於小豬爸有突如其來的假期，所以就建議一齊出去玩吓。原本我地都打算去台灣或者新加坡，點知我地全部人嘅護照都過晒期。最後，就決定近近地過澳門玩兩日輕鬆一吓啦~
我地都搭11:45班船，所以過到澳門都已經成一點幾啦！我地首先就先去酒店CHECK-IN先~
我地今次間酒店就係澳門市中心嗰邊嘅十六蒲酒店(全名唔記得)，原本我地係要三點先可以俾房我地，不過由於有個小朋友關係，接待姐姐好好人就先俾我地一間房，等小小豬可以休息一吓先。
依個小小一入到酒店房間都不知幾開心周圍行，好似探索新事物咁呀~
酒店對出個VIEW又好正，一片海景，又有好多船仔，小小豬都不知幾鐘意呀~
休息一陣，我地就出發去玩、去搵食啦~
其 實我之前都做過吓功課，都計劃帶各位團友去食啲咩好嘢。點知正當我想帶佢地去食好出名嘅豬扒三文治，原來今日係佢地DAY-OFF，真係勁失望。最後由於 大家都好肚餓，所以就去左附近嘅一間小餐廳食嘢。雖然唔係好出名，啲服務態度又麻麻地，不過嗰度啲食物又幾好食，尤其戚啲豬扒好好味呀~
食飽飽就係大三巴附近四周圍行~
行過有得試食，我地又點會執輸，就連依個為食小小豬都不甘後人呀~
之後就係啲三輛車度影吓相先，依個小小豬仲玩到唔肯走呀~
嚟得大三巴，當然要同牌坊影相啦~
係牌坊附近有個老伯派環保袋傳教，小小豬見有嘢派就好大膽咁走埋去拎一個，拎到之後幾開心~
百厭嘅小小豬又係度攪攪陣，唔行樓梯要行斜路呀~
我地行到邊食到邊啦~
上兩次嚟澳門都好想食依間嘅萄鐽，今次係細路教路之下，我終於搵到啦！不過由於排好長龍，排左五分鐘都唔郁過，加上又就嚟到晚餐時候，所以唯有放棄啦~
我地行去永利酒店參觀時，沿途見到個好靚嘅海景，當然又影吓啦~
我地去永利酒店主要目的都係去睇金錢樹，雖然都已經有左好耐，不過我地都未睇過，都真係OUT OUT地，所以見有時間就去睇一轉啦~
原來個金錢樹都只係短短幾分鐘，同埋都冇乜特別，所以都有啲失望添。
睇完金錢樹之後，我地就出發行去食自助餐啦！
《續待》
