facebook fanpage: https://www.facebook.com/a.life.traveler
第三次玩台北。同好多香港人一樣，台北好多出名既小食可能都已經食過。今次旅程有個開心大發現，原來一D細既唔出名既夜市，野食唔一定同大夜市一樣。今次住既酒店係雙連站，咁岩就位於距離寧夏夜市10分鐘既路程。呢個夜市主要都係食，冇衣履賣架，檔口唔算太多，大約50個左右，非油炸類既野食比較多，適合唔受得既媽媽。 「捐窿捐罅」, 唔再只係食柯仔煎同麵線。士林夜市雖然去得太多有點爛，但係佢款式選擇多所以都仍然係我每次必去既地點。計我話，唔好成日再食旅遊書介紹個D野，有時心血來潮碰碰運氣，滋味在心頭。
上引水產今次冇介紹，由於同行既家母唔太喜歡生魚味，所以冇番兜。如果想知多D既朋友可以睇睇我之前既片集 - 台北增磅行 :)
狂吃@台北 - Eat whatever you want in Taipei (HD Subtitled in Eng)
去片 http://www.youtube.com/watch?v=flYYGrbwVHU
台灣EP1 - 台北增磅行 Let's gain weight in Taipei!
http://www.youtube.com/watch?v=J_LhSQ07LC4
街邊小檔係我至愛，喜歡佢賣既食物夠真夠正宗夠平，每次都會有驚喜/嚇。 位置: 捷運雙連站2號出口轉右即可見
[左起] 福州丸湯NTD35 四神湯NTD45 肉粽NTD40
D 汁係甜架!! 仲有好多餡料
爆丸
四神湯呢個咁神秘既名引起我既興趣，叫左之後先知原來係豬腸湯, 主要有蓮子、芡實、薏仁、當歸, 傳統藥膳既一種。根據WIKI, "「四神」可以治療消化不良、容易拉肚子，能吃不長肉、長不胖的人，且價格大眾，是瘦人增肥食療佳品。加入豬肚一起煲，更有幫助消化之效。" 我自己飲既時候飲到D中國酒味，食落比睇落好食。意外喜歡了!
睇佢好似好UP DUP咁，其實真人不露相，佢就係香港好多分店既" 四海遊龍"
MY SUPPER MOMENT : 好肥!!! 不過NTD39有兩整粒既溫泉蛋我真係忍唔住唔買!
適逢JACK SKELLINGTON 20歲生日，呢個麵包實在太CUTE啦!!
台北101 地下
行行下又肚仔餓，見到D甜品好似好正。
呢份湯圓不得了，大大粒，花生料澎湃!
位於西門町既呢間蛋包飯店，其實冇咩太特別，價位大約係HKD40-60。地址： 108台灣台北市萬華區成都路15號 (捷運6號出口)
D飯落左好多茄汁，偏甜，但冇TOMATO味... 不過見佢咁給力咁大份，原諒你啦。
係雙連站同中山站之間既寧夏夜市，賣既野唔同士林夜市既野食，比較多非油炸類既食物選擇。岩哂我阿媽!
好喜歡呢一餐，係夜市入面D小檔仔，一般D年輕男女都好喜歡係度食小小野就一餐。呢一餐加埋都係HKD30左右，抵到爛! 有滷肉飯、雞肉飯、炒菜同滷豆腐。
呢一間野特別多人排隊....
如果想知道呢個咁多人排既芋餅好唔好食，睇片啦... 太多意見~
平溪出哂名既故事香腸，名改得好浪漫，無論放咩料，其實都係一條烤香腸。..
平溪 - 深入老街既話你就會搵到呢間隱世芋圓店。
NTD50一碗，好大碗，紅豆沙甜味恰到好處，天氣凍既時候食一碗實在太美好了!!!
熟悉的地方 --- 又黎士林夜市
好喜歡吃既高雄肉圓，嫩滑既質感就好似好軟滑既腸粉。NTD40
友情客串的拉麵: NTD190 一碗 - 雞骨湯底，清新不膩。
友情客串的拉麵: NTD190 一碗 -- 牛骨湯底，味道濃左DD，好似牛油既味道~
係瑞芳有個唔錯既小食，叫龍鳳腿。細細一條仔，但味道不錯!!! 好多明星都有幫襯~
WIKIPEDIA: "今龍鳳腿為靠海之台灣台北縣瑞芳及宜蘭縣之特產。今販賣者多以大量高麗菜、紅蘿蔔碎丁來取代及減少魚漿用量，並加胡椒八角等中藥調味，除此，大小則捏成小雞腿狀。另外，在售價上則約新台幣十元至廿元。"
我係小龍呀
我3月尾都會第一次台灣，好期待呀！
