呢次的台北遊真係令人好興奮，因為從訂機票到起行只有短短三日，唔知將來有沒有機會破這紀錄。
多得facebook pages，啲旅遊資訊真係唔駛自己搵就响自己眼前。日日都見到飛邊度平，好難抗拒。。。今次訂的係長榮週末劈，飛台北的特價機票，早去晚返，雖然三日兩夜唔多夠，但留低陳某一個响香港工作自己去玩，好似唔係咁好。。。（我要克服呢個障礙）
因為只係去三日兩夜，為咗玩盡啲（為咗旅行，你可以去到幾盡？？），訂了早上七點半的班機。七點半啊！！！我之前最早都係坐星航的SQ1，早上八點的機。七點半的班次，即是我要大約六點到機場，五點前起牀。。。當然之前一晚都不會瞓得太好，三日兩夜後殘晒。。。
![photo rsIMG_7779copy_zps5ee355b2.jpeg]()
酒店就揀咗台北車站附近的City Inn III，位置非常好，响台北站同中山站中間度，去呢兩處都非常方便。房間亦非常企理光鮮（一個人，最驚啲離奇怪氣的房間。。。），洗手間都好乾淨。好彩咁last minute訂都仲有房呢。
![photo rsIMG_7800copy_zps63afd60b.jpeg]()
地下個pantry，可以自己沖茶或即磨咖啡，正～～～
間房仲有洗衣機、雪櫃、水機、多士爐等等，有閒情日誌的話可以响度食返個早餐先出街。
![photo rsIMG_7795copy_zps0ae7f822.jpeg]()
仲有個好靚的洗手間，就算去到未有得check-in上房，都可以稍稍梳洗一下。
check-in時仲送咗張悠遊咭俾我，去到入錢就用得，煩少樣都好呀。
![photo rsIMG_7787copy_zps5e93a6ec.jpeg]()
雖然book機票到出發只有短短三日時間，但呢三日內陳某已經對我進行洗腦，不停叫我唔好買嘢返嚟，唔好買嘢，唔好買嘢。今次去台北，只係拖咗個喼，旅行袋都冇帶多個。。。
感謝 mrschan 提供以上資料
mrschan的網誌:http://mrschan2011.blogspot.hk
