當你睇到呢個標題時，我地。。。已經從河內返來了！本來，如果可以選擇的話，是想趁三四月比較涼時遊河內（河內同香港氣候相約，都有冬天）。奈何要就陳生的讀書時間表，為咗唔想佢玩得唔盡興（其實係佢打死都唔三四月去旅行），最後等到六月學期考試終結先去。
![photo rsIMG_7099copy_zps40bfa583.jpeg]()
如我所料，河內六月已經好熱。响香港已經覺得太熱頂唔順的我，去到更熱的河內，簡直要了我的命！我地旅程的第二／三日，氣溫去到攝氏38至42度，頭頂可以煎雞蛋。好彩之後兩日天陰同落雨，氣溫降至25至28度，我地先不至於被迫留在酒店避暑。
去越南，最麻煩就係搞簽証。有兩種做法：一係自己去越南領事館搞visa；又或者透過agency或酒店，足不出戶申請visa letter，去到越南機場搞visa on arrival。怕麻煩的我，揀咗。。做法一！因為攞咗visa letter，仲要帶備美金、相片去到越南整落地簽証。要額外預備呢啲嘢，都會帶來壓力。尤其上網都見到有人响呢part奶嘢。去到越南機場就証明我揀啱咗，visa office一堆人响度等緊。以越南人的效率，再以我的性格，一定會等到黑面。
經過上次去巴黎的
白色恐怖經歷，今次起行前花咗好多時間search越南／河內的scams！從人地的痛苦經歷吸取教訓，希望唔好再中招。好幸運，今次的行程頗順利，但小心駛得萬年船，去之前同旅途中都一定做足research，提高警覺。
越南的一個大scam就係的士，尤其係往返機場的士。如果你隨意跳上一架，佢會打你去到「你訂了的酒店」，然後就會有職員話你知間酒店full咗，再車你去另一間。聽落都覺恐怖！所以我地透過酒店幫我地安排機場接送，放心好多。
响高度警戒同沒太大期望之下，這趟旅程比預期中開心～～～
買咗少少手信，有越南咖啡豆、刨絲器、救我一命的大扇。。。
![photo rsP1190069copy_zps296281ee.jpeg]()
真係冇乜嘢買，連手信都不太靚，又冇乜食物可帶走，最好食的都食咗落肚。戰利品相真係削咗啲（仲有少少磁石同明信片冇上鏡，明信片仲要到依家都未搵到。。。唔知去咗邊）。
感謝 mrschan 提供以上資料
mrschan的網誌:http://mrschan2011.blogspot.hk
