從來都覺得閱讀係一個好的習慣，細時暑假阿媽都會帶我去圖書館hea，都係美好的童年回憶一部份。一直到讀大學時都可以keep住on and off 睇吓書，但返工係的時間簡直就唔見駛，雖然我都會keep住買書，但睇書的時間少之又少，呢個item年年都係我的new year resolution list，今年總算好少少，我响12Q3睇完一本書啊！！！
![]( "(thumbs up)")
![]( "(party)")
真係要keep住至得。為咗鼓勵自己多啲睇書，開返個blog分類俾佢先，如果一年後都係得一兩篇post，好肉酸架嘛。
![]( "(day dreaming)")
呢本書係响香港誠品買的，開業３週後就貢咗去，仲要特登早少少，星期六朝早十一點前就去到了（對我嚟講已經好早架喇）。人流都唔算少但總算有位行。因為今次有target，所以好快就買咗本書返去。
![Photobucket]()
某日放日返到屋企，天仲未黑，順手攞起本書睇，加埋窗台的斜陽，感覺非常好（可能只係差杯咖啡）。雖然我都冇乜可能會開自己的小店，但睇到書中的店主如何充滿理念，賣包的每日零晨１點半起身搓麵團、賣古物的去英國尋寶、熱愛攝影的開晒相店 + cafe & shop 等志同道合的人可以一路等曬相一路hea，與同道中人交流．．．可以為實踐自己的夢想而努力，將自己喜愛的事物同人分享，係一件令人興奮鼓舞的事。
睇到咁上下，又係時候返娘家食飯，重投現實的懷抱。
同系列有另一本專講咖啡店，下次行開誠品睇吓仲有冇先。
感謝 mrschan 提供以上資料
mrschan的網誌:http://mrschan2011.blogspot.hk
