Caylabne Bay，一個渡假村，曾經聽朋友數次提起，但我都認為路途遙遠，興趣不大。
前些時候朋友又帶著親友去過，又再向我提及。我的姪女剛好要來菲探我們，我正要計劃地方帶她去遊玩，就上網搜尋一番。真好彩碰前有promo, 成人每人只需1575披索，連住宿，晚餐及早餐，還包含一項水上活動。
沿前馬尼拉海旁一直向西走，過了一個個小村，經過八十年代港人熟絡的碧桃源渡假村(離馬尼拉咁遠，唔怪得依家無人提起啦！)，再上山走一段九曲十三彎之字路，在山上閘口對完名字之後，落完山路卒之到達 Caylabne Bay 渡假村！
間房好大，沖涼房有連衣帽間，中立一塊落地大鏡，對正個馬桶。孫女的貼身女傭匆匆走進，我講佢知，欣住有人裝佢！佢一頭霧水，唔知我講乜，關門不到半分鐘就見佢由廁所飛撲而出，一路跑一路尖叫，真係有人裝佢如廁！^^
沙灘不很大，不過水質很好，只可惜間中會有小型水母隨水飄浮。午間就有小孩被灼傷面部！
沙灘有小生物跑得好快， 只覺得係招潮蟹之類，但不不知是速度太快或其他原因，總覺得這生物若隱若現，十分有趣。 能看見下圖的小蟹嗎？^^
![]()
看不見的話，把下圖放大就可以看清楚！
![]()
我定睛尋找，再用相機拍下來，再放大看清楚，卒見到一隻身披絕頂一流保護色的招潮蟹，在沙上走動根本就可以輕易逃過敵人的視線！
晚餐標明是蒙古餐，我未試過，只知自己選料，就如自助餐，分別在蒙古餐的料是未熟的。既然所有配料都由自己決定，廚師只負責烹煮，咁如果唔好食就不能怪人，而只怪自己調味差！
![]()
![]()
![]()
晚上沙灘上有盛會，唔知係咪有人唱得難聽得滯，個天以為有人開壇求雨，忽然好似倒水咁，一落就半小時傾盤大雨！整個盛會就俾無疾而終！最慘就係場地上面嘅音響，全部泡水！
早上聽到壞消息，香蕉船漏氣不能使用，但各人可選擇乘搭快艇或乘水泡船。
感謝 Norton 提供以上資料
Norton的網誌:http://nqph2004.blogspot.com/
