19 Oct 第二天早上
經過一晚好好的休息，第二朝晨咁早就起身，打開酒店窗戶，可見到酒店旁的別館、教堂及泳池，蔚藍無雲的天空，空氣微涼及清爽，真舒服。
酒店大堂，早餐在右上角的地方。
享受過早餐後，便坐了三個多小時的車，從神戶到福井縣。
個多小時後於途中休息站一會，又繼續行程喇，導遊都不停講東、講西、講咗個幾鐘，算係咁啦！
一路上遠觀處盡連錦不絕的山峯，環抱著山下全是單幢式的平房、小型會社、村落及田野，環境優美，地大人少，公路旁的樹叢地披上紅、黃色彩。
終於到了『越前竹人形之里』，館外種植了了一小片的竹林
越前的人形公仔以手工精細而聞名，可見工匠嘅功力及刀功都深厚。
運用不同形態嘅竹，去製造不同類形嘅公仔。
工場內的製成品，有人形公仔、有動物。
展覽廳內的作品，可惜好多反咗光，效果不太好。
午飯安排在展賣廳的樓上，吃日式定食，不要小看它，每碗份量雖然少，但足夠吃得我飽呢！
~~待續~~
