喺一間六星級『迷城皇宮』酒店，好好咁瞓咗一晚之後，第二朝晨早六點鐘早餐都未食，全團人就坐上架大型吉普車入『動物保護區』了，好似貨車咁大架，左右兩邊一行行坐位可坐上兩、三人，兩邊係無玻璃窗嘅，無遮無擋，一伸手就可以攀拿到沿路上嘅樹葉喇！
由於匆忙得滯唔記得帶外套，上車時，太陽先開始出嚟，行車途中吹撞頭風，都吹得好凍o架……
太陽出來了……
司機是保護區內嘅動物守衞員，身邊有對講機，除了我哋嗰車人外，其實每朝都會安排呢D探奇活動，當發現有動物出沒時，大家就透過對講機聯絡，司機會儘量車著我們趕去一睹其貌，今朝嘅收穫都唔錯，總算見到犀牛、羚羊、野豬、班馬、長頸鹿、仲俾隻大笨象阻住去路添！
羚羊群……
犀牛呀……
在中途休息站停留一會後，大約八點半就返酒店食早餐喇！簡直係非常、非常之肚餓……
返入酒店前喺門口影嘅，後面喺一隻豹捕獵緊羚羊嘅情形，好真呀！
左邊係迷城皇宮酒店大堂，右邊係我哋食早餐嘅水晶宮餐廳入口。
水晶宮餐廳……
水晶宮餐廳內嘅壁畫……有多種不同嘅動物……
好喇！食飽飽就要活動吓，首先四圍去影相，沿路到訪晒其他酒店區，包括：THE CASCADES HOTEL 、THE SUN CITY HOTEL及THE CABANAS。
又去咗"時間大橋"等佢"地震"啦！跟住去咗騎馬，《R90蘭特》騎一粒鐘，人一世物一世，梗要試吓啦！行平地草原及小溪，第一次咋有D驚，但好玩……
泳池邊……
另一座餐廳嘅外貌…… 另一個泳池……
人造沙灘，有人造浪，可以衝浪o架！
跟住下午嘅節目，梗要游吓水啦、做Massage啦、之後返房梳洗一下，六點半就過太陽城酒店嗰邊食自助晚餐，睇埋八點半大型歌舞+魔術表演嘅Show後，精彩嘅一日就完結喇，之後當然係返房收拾行裝……為八日南非之行畫上句號。
今次係一個好好嘅經驗，起碼，暫時無想過會再去，因為我仲有好多、好多地方仲未去，好似：埃及、希臘、印度咁，但首要條件係：要有健康嘅身體、有份安定嘅工作、儲到足夠嘅旅費，就可以滿足我去旅行嘅慾望喇！
