澳洲嘅環球影城我就去過，仲同漫畫人物吃早餐添……日本呢就第一次到訪……但竟然會有"Hello吉蒂"及芝麻街成員???
晨早出發，响紀州坐車落大阪要坐成個半鐘，到咗發覺影城四週都係被工廠包圍住o架，古古怪怪咁！
影城其中一個出口係連接著日航酒店嘅……咁啱今次仲係影城五周年紀念添，不過無特別禮品送噃！
11:00玩到16:30才離開，地方細過日本迪士尼??當天遊人好多，每個遊戲最少等90分鐘以上，點玩呀??！所以只有齋睇無得玩，好彩响澳洲嗰陣玩過啫！
返正無野好玩，所以我同她子就選咗間有懷舊feel嘅西餐廳食過long lunch，Service都好，义足電先再繼續影相及Shoppimg……
眾人準時16:30集合，17:30已返到大阪華都酒店，等完行李後便隨領隊到心齋橋逛，途經道頓堀，內有很多食店，最有興趣係"河豚"嘅舖頭，不過領隊話，若幫襯的話，一定要睇清楚餐牌，因為佢地嘅賣法係: 每人要幾多$$$，要兩份起計或四份起計，即係話你一個人落Order佢都會計你1乘2人嘅$$或1乘4人嘅$$$，因為有團友試過要領隊打救(籌$$$)。
看圖就知間舖頭賣乜啦！
D人話呢間"金龍拉麵"好出名O架！想食咩拉麵…喺購票機買飛就得，唔識講都唔緊要……
心齋橋，跟日本普遍嘅購物街無兩樣，同樣都有好多好多千奇百怪嘅野賣，亦有百貨公司、藥房、￥100店等等……其實都無咩特別吸引，反而當晚食火鍋時，自費訂購嘅鮮鮑魚及神戶牛柳仲吸引。
最後一天嘅行程喇，我哋一早要去祌戶，睇吓佢發生地震嘅碼頭……
然後去日本出名嘅UCC咖啡館參觀……
以前賣咖啡嘅車仔，好colourful呢！
磨咖啡粉嘅器皿。
咖啡粉手信，我就買咗左手邊藍色包裝有架飛機仔圖案嘅咖啡包，一包有兩杯，價錢好經濟之餘……仲係『藍山咖啡』嚟o架！
之後便前住日本五大酒牌之一嘅『菊正宗』參觀……
最後一站就係Factory Outlet，可以俾各位團友作最後衝刺及順便食埋個午飯，跟住就可以直接出機場啦！
五日嘅行程就此結束了，但大阪咁大，仲有好多地方下次可以再去嘅！
p.s.
專程從日本訂返嚟嘅長腳蟹，有2kg重呢！
