歡樂嘅時刻終會過去，又是踏上回程的日子。早餐過後，便往白之戀人朱古加工場去。
一入門口，就會見到不同國家的人愛吃朱古力的程度。
由於已到過兩次，所以今次並沒有走得太多地方，只隨便逛逛便坐到餐廳嘆響住已久的美味糕點，價錢地不貴，在售票機買了票便可以去拿食物了，有套餐賣，仲好抵添，一杯飲品+三件自選嘅蛋糕只需要¥1000，如果一杯飲品+一件蛋糕呢，都係¥650，單買一件CAKE呢，就要¥350喇！我哋咪顧住買顧住食，無影到D靚靚蛋糕相囉！
呢張係館內其中收蔵有紀念價值嘅杯。我鐘意佢金光閃閃！
呢套係立體播放嘅影片，入面嘅小朋友會在場境中移動，佈境就一早SET定，全日語介紹朱古力的製作。
可能為了使我可以真正感受到大雪紛飛的美景，連日來她都大方地飄揚，到最後一天，她更狠狠地下著大雪，襯托得四週景緻特別美。
於千歲OUTLET吃過午飯，便繼續在場內逛蕩，美中不足，就是穿著厚厚的羽絨褸，入到店內，就要把褸除下，試衫就更不方便，除、除、除、著著著，攪成十幾分鐘，試完出來成個癲婆咁，終於放棄唔試、唔買，齋睇算了。慳番唔少。
就係咁，北海道五天嘅旅程就在大雪飄遙下完結了。其實今次行程都安排得很輕鬆，有兩晚都早早安排我們返酒店浸溫泉後才吃自助晚餐，今次大部份境點都相同，所以沒有驚奇，除了吃之外，所買嘅手信亦不多，响ＦＡＮＣＬ、ＤＨＣ及ＵＮＩＱＵＥ都有斬獲。
唔覺唔覺都寫咗五個旅行網誌，下一個我想寫熱辣辣嘅泰國，咁會覺得無咁凍吖嘛！
第一次遊西歐：大鄉里出城
http://hk.myblog.yahoo.com/ima-woman/article?mid=9
盛夏北海道
http://hk.myblog.yahoo.com/ima-woman/article?mid=69
紐西蘭之旅
http://hk.myblog.yahoo.com/ima-woman/article?mid=164
西歐行
http://hk.myblog.yahoo.com/ima-woman/article?mid=235
冬の北海道
http://hk.myblog.yahoo.com/ima-woman/article?mid=839
