離開了三段壁後，便前往"千疊敷"，一塊面向太平洋經幾千年風浪侵蝕而成嘅大岩石囉！跨張到話可以企成千人喎！不過都唔係幾好企咋，因為當日好大風、好大浪，我隻手要"COOL"住條電燈柱先企得定影相咋！
雖知道四月仍日本櫻花季節，參加此團嘅目的，或多或少都想一睹櫻花風彩，到達當日，已直接向領隊查詢，但終無確實答覆。
但今日終於如愿以嘗了，往午飯途中，領隊先帶我們往一個很隱蔽的公園，當地人賞櫻之地，首先喺停車場下車，然後走一段十分鐘左右嘅路，終點是一個非常茂密嘅櫻花林，令團友們嘩然，亦因下雨嘅關係，園內只得團友們，並無其他賞櫻人仕，場面亦冷冷清清，園內有一食店，見到我們一大班人，竟拿出了暖烘烘嘅年糕送給我們吃，有些團友唔知係咩，就無要到，有D就驚要俾錢，所以亦無要到，經領隊解釋，原來因為天氣唔好，無人嚟賞花，佢地做好咗嘅年糕無人買，但又唔放得耐，所以唯有送俾過路人喎……
睇吓成個山頭都係櫻花樹，雨打花瓣掉，有點烟雨……淒迷…
淡粉紅及近乎白嘅花朵，襯在紅色街燈中，頗別緻……
嘗了心愿後便前往白浜魚市場吃午飯去……此乃當地人嘅街市，係附近周邊住嘅人，都會揸車嚟買餸，內有濕、乾貨場及美食專區，連食飯及購物，我們共逗留了兩小時，午餐食五色魚生飯、天婦羅烏冬定食、及肥美嘅拖羅(入口即溶，然後滿口油)，但實在太多人喇，食得好唔自然啫。
濕貨那邊，刀手正在肢解大大條嘅大吞拿……D日本人即時爭相認購……
睇吓隻手同個魚頭嘅比例吖！條魚真係好大條……O架！
一箱箱連殼嘅蠔，都係賣￥1000，燒、焗都得，好平啫！
唔知瞓咗幾耐嘅長腳蟹，賣￥4500兩隻，細細隻用嚟打邊爐都抵呀！
甘海老，我最鍾意食……
我哋就响呢度買咗宵夜食嘅士多啤利，大大粒好甜好香O架！
飽餐後，便啟程往備長炭館去。
到達後，先看一段介紹備長炭係咩東東……原來要用特定嘅樹木燒成的。並可做成好多物品……
响煙花入面都會放入備長炭……
以前嘅炭爐及熨斗……
用炭嚟作過慮器……
待續……
