離開古典街，便去食晏，今餐食豬肉片火鍋烏冬，還有天婦羅添……正！
餐廳外貌
鬼城：被天然海浪及風侵蝕出來嘅奇景……
那智瀑布：要沿著以大石塊砌成嘅樓梯往下走，兩旁伴以高聳入雲嘅杉樹，頗為壯觀，所謂十年樹木，百年人，佢地起碼有一世紀啦！
終於落到底，回頭望，見不到樓梯頂嘅……
見到個瀑布係好高，不過水勢就不大……
橋杭岩：回酒店前最後的景點，好彩剛巧退潮，否則就睇不到凸出嚟嘅怪石……
今晚係酒店食懷石料理，全團人都著起浴衣一齊响宴會廳食飯…
第三日嘅天色灰濛，外面正下著細雨，氣溫亦下降了少許，我們向紀州進發了。
串本海中公園：一個位於海邊嘅海洋生物館……分室內及室外……但由於雨下得大、風浪也很大嘅關係，所以不能經過架空橋往海中塔觀看海底下嘅珊瑚，有點失望，連在室外水池飼養嘅海龜都不浮上水面呢！
呢條叫車輪魚，好大條，又游得好快，等咗好耐先影到咋！
喺海中公園等上車時見到嘅櫻花，淡粉紅，在風雨中飄揚。
離開後，我們便往於數千年前已形成嘅三段壁出發……雨仍不停的下著……
三段壁：從地面乘電梯往地底下嘅岩洞參觀，於"吹潮洞"內，聽到海浪泊向岩洞時震耳欲聾的聲响，及海浪衝向岩石時浪花化成幾米高嘅瀑布散落在觀景台附近，為了保著相機，所以只有親歷其境，感受相機拍不出來嘅感受…
海水就喺响"十象岩"左手邊嘅入口直衝入洞中……
兩幅非常清楚嘅解構圖啊！
真係坐電梯直落底層岩洞o架！
另外還有特別之處，原來古時，此地曾作水軍蔵船之所，內有崗哨小屋一間，擺放著當時將軍嘅用品，仲有一間水神廟喺岩洞內，聽聞首相『小泉純一郎』都曾到此拜祭，話可以保佑子孫幸福喎！?
待續……
