Day 3.2: 2011-5-12/ Thu/ 晴
上回講到.......小小世界.....影完一輪相之後, 就再係園內行吓........
▼ mocha: 救命丫!!! 查媽...........做咩放我入鯊魚口呀!!!
▼有個消防員遊戲.......
▼之後去左埃及區......隻駱駝個樣好鬼衰........
▼玩一個類似迪迪尼巴斯射槍遊戲
▼再玩"不" 波仔遊戲~ 好難控制架!!!
▼ 經過表演劇場, 不過冇表演喎~
▼紀念品店..........啲野好貴............
▼只係帶左一個胡迪走炸........
▼ 再玩水, 我地濕晒, 但玩得好開心........
▼ 再玩海盜船, 算係比較刺激既遊戲~
玩完海盜船, 我地就坐底食吓自備既乾糧, 我係香港帶左啲"馬仔"黎食呀!!! 食完野, 我地啲衫褲都乾得7788, 又再去玩喇!!!
▼ 小型摩天輪
▼小火車.......有某啲位會射水呀~ 我地又再濕身, 哈哈~
▼ 哩個城堡, 係過山車既入口, 好好玩呀!!!
▼ 以下喺沿途得意既lego物品
▼ 坐小火車影片~
▼最後, 我地玩埋哩個"Sir"滑梯, 又係有水的, 我地兩個坐一個水泡 sir 落黎........點知, 個乾左既Pat Pat 又再濕過........哈哈!
▼ 玩到4點幾我地就走啦~ 我地都覺得好好玩, 值得來呀!!!
出左樂園門口, 個天又再次下雨啦!!! 我地見巴士站有架巴士, 就跑過去睇下, 好似係我地來既時候搭既702, 問左司機經唔經火車站, 我地就上左車啦!
上到車, 仲聽到有廣東話既聲音, 有4個香港人係車上............... 不久.........巴士就到左早上我地上車既地方(對面馬路), 我就同查爸講應該到啦喎......點知佢好似唔想落車咁, 話再坐多一個站先落...........
點知, 架巴士上左..........高!速!公!路!!!!!
我當場黑面啦!!! 死啦!!! 我地會去左邊架!!!! 我地兩個都靜靜地坐左係度, 因為.......都冇咩可以做到............唯有四圍望下啲路牌喇........再唔係.........樣衰啲, 問下同車既香港人囉............
1個小時後..........架巴士終於使左去啲市區喇! 仲比我地見到有地鐵站! 我地個心當堂定晒, 因為我地可以搭地鐵返酒店呀! 出奇地, 架巴士一路向我地酒店既方向使去喎!!! 最後, 我地決定襟鐘落車!!!
一落到車, 就正正係 Albert Memorial
▼ 對面馬路就係Royal Albert Hall, 我地酒店就喺附近喇!!!
容祖兒之前都好似係度表演過......
就係咁, 我地冇嗱嗱搭錯車, 都可以返到酒店, 真係有驚冇險..........之但係, 我就冇得參觀溫莎堡囉........合照都冇影到呀!!! 仲有, 浪費左張回程火車票........但同時, 我地幾磅既Legoland 來回火車站既巴士票, 就坐到出市區, 賺返!! (落車果時, 幾驚巴士司機認得我地, 要我地補錢呀! 好彩冇事, 嘻嘻!)
返到香港, 上網查返究竟我地果架係咩巴士..........
原來叫 Green Line~
Green Line
▼ 此為網上照片
我地架車總站原來係Victoria 站........其實今朝都可以搭哩架巴士, 直接去到Lego Land 呢..........
我地返到酒店就冇再出去啦, 因為要拾行李, 第二朝一早要飛德國啦~
感謝 查媽美子 提供以上資料
查媽美子的網誌:http://littlemaychi.blogspot.hk/
