英/德/瑞/蜜月:: 16. 市政廳/ 皇家啤酒屋

終於都忙完啦~ 又可以繼續我既行程



Day 4: 2011-5-13/ Fri/ 睛

話說上回講到, 我地由英國一到達德國後, 第一個行程, 就係去安聯球場朝聖.

朝完聖, 好滿足, 而且對這個國家既第一個印象非常之好, 先講吓交通, 第一次買飛, 係剛落機, 由機場買飛出市區, 其實只係研究左一陣, 就已經成功買到, 佢地既售票機好鬼先進, 都係touch screen 的, 而且有好多語言選擇, 簡單易明.

另外要一提既, 當然係好多人都提過的, 就係佢地既地鐵, 係冇入閘機的, 只係有啲柱, 上面有部機, 比啲日票/月票既乘客, 入閘前打日子喺張票度. 不過, 我地只係逗留3日, 所以冇買pass, 只係每一程咁買. 嘻嘻, 當然, 我地不是每程都咁乖啦..........我地試過坐霸王車架, 不過, 都只限一兩個站的, 遠程既都有比足錢架!!! 大家千期唔好學我地, 因為萬一比人捉到, 罰款好金架, 同埋會掉晒中國人既面 ~ ~ ~




▼ 這部機係喺球場果站的, 算係比較舊的一款機




▼ 我地買飛出市區, 都係按Zone 計錢的




▼德國既地鐵, 真係又大又乾淨, 同埋啲車卡有幾款的, 這款係比較常坐到的




我地所講既市區, 其實係Marienplatz City Centre (瑪麗恩廣場)

旅遊知識:

瑪麗恩廣場是慕尼黑市區交通的樞紐, 乘搭U3, U6, S1-8在Marienplatz 下車就是. 瑪麗恩廣場也是遊客遊慕尼黑的起點, 以此為中心, 慕尼黑最主要的景點如皇家啤酒屋, 老彼得教堂, 王宮博物館, 聖母教堂等, 都在徒步可達的範圍之內.


▼ 這個就係舊市政廳

▼ 廣場上真係好多人, 這個尖頂建築物唔記得係咩添.........

▼ 這個係聖母教堂




▼ 這個其實係人地餐廳, 我地似為係啲咩古蹟添, 人去我地又入去, 嘻嘻!

▼沿途有好多手信鋪, 好多啤酒杯, 德甲足球隊既記念品~  另外, 要一提, 係市內見到好多狗狗係街上, 仲見到有狗狗入百貨公司添呀~ 外國既狗, 真係好幸福!

我地係城區既購物街行左陣, 就出發行去皇家啤酒屋食晚飯喇~

▼ 紅圈位置就係啤酒屋




▼沿途, 我地發現拜仁既球員專車泊左係路邊呀!!!   我地即時過去睇下, 有冇球員先!!!!
 結果, 當然係失望啦~但見到架車都好開心呀~ 查爸話佢地架車好先進架, 好多娛樂設施, 等球員穿州過省坐車去比賽都唔會悶~

興奮完, 我地又繼續行去啤酒屋~

▼ 終於都到喇, 不過我地行在去人地後門添~

▼入到去, 嘩!!! 好多人呀~ 中間係一個正方型露天地方, 比抽煙既客人坐, 四邊就係室內地方. 我地好幸運, 找到一個窗口位~

▼ 先點杯啤酒先, 查爸亂點了一杯叫Radler 既啤酒, 成1L, 而我, 一向唔飲得酒的, 因為會皮膚敏感, 但係, 我試左一啖之後, 嘩!嘩!嘩! 不得了, 好好飲, 一啲都唔苦!!!!





▼ 我杯蘋果汁比我擺埋一邊........係咁飲查爸既啤酒, 嘻嘻!

▼ 到食物方面, 當然唔少得德國豬手同德國腸~ 全部都好好食呀~ Yummy~  不過, 大家係咪都以為豬手伴碟既兩粒黃色波波, 係薯仔呢???
那就錯啦!!! 佢既口感係煙煙韌韌的, 好似係用粟米做的.......我地就唔係好鐘意食啦~ 但豬手, 真係好好食, 啲皮超脆!




▼ 食完之後, 我地先行返去正門出, 原來入面有live band 添架~

▼ 天花都好靚~

▼更加不得了, 原來佢有埋自己既記念品店添呀~

▼ 哩個先係正門~ 睇下, 我地食完dinner, 個天都未黑呢~

▼ 返到酒店, 仲食埋士多啤梨, 之前係市中心買的街邊檔買的, 超甜, 又唔貴~

今日, 真係超滿足既一天, 因為終於有飽飯食, 哈哈~ 同係英國相比, 這裡的物價係我地接受得到的, 餐飯只係約$400 港紙, 終於, 都唔洗每用一蚊都左度右度, 哈哈~ 已經超愛這個國家喇~