Day 3: 2011-5-12/ Thu/ 晴
來到第三日行程, 今日會去位於Windsor(溫莎堡) 附近既Legoland! 其實原本我唔知英國有Legoland 架, 喺出發前一個星期才知道, 並且朋友仔去過都話好玩, 於是取消左原本去Oxford (牛津)參觀Christ Church(即電影中哈理波特既飯堂)既行程!
可能因為係臨時轉景點, 事前功課(上網找資料)做得唔夠, 驚險既事情就發生了........大家睇落去就知喇~ ~ ~好! 即刻開始今日既行程. GO!GO!GO!
*******************************************************************
▼早上8點左右, 我地就係South Kensington 站附近既 Subway 食個飽飽既早餐先,( 我公司樓下都有Subway 呀~ )
▼ 早餐要食飽啲呀~ 因為知道Legoland 裡面的食物會很貴(HK$50 一個熱狗), 另外自己帶左啲乾糧做lunch!
之後, 我地就照跟網上既資料, 來到跟我們只有一站之隔既Victoria火車站, 打算從這裡乘火車直接到Windsor ........
▼Victoria 我諗都算一個大站, 外面還有巴士總站, 真係人來人往~
我地行入站內, 發現有好多火車班次, 但找了很久, 都找不到往Windsor 的, 問站內既職員, 佢話哩度冇火車去Windsor, 要去Paddington 站!!! 吓, 我即時O 咀, 我夠知Paddington 有啦, 但因為我地酒店個站唔近Paddington, 而知道Victoria 都有火車去, 所以才來這裡呀!!!
其實, 我上網搵資料時, 知道有3個站有火車去Windsor 的:
1. Paddington
2. Victoria
3. Waterloo
哩個時候, 查爸又話: 你啲咩Blog 友講架!!! 係咪流架!!!!
我唔信Blog 友仔放流料, 於是出返去站外既一個游客詢問處, 再問過!!!
詢問處既哥哥仔超nice, 佢即時喺電腦度撳幾野, 就search 到火車既資料比我地, 仲用紙筆寫好比我地, 仲話我地應該趕得切下一班車!
真係好感激果個哥仔呀~ 終於feel 到英國人既好!!!
以下係哥仔寫比我地既資料:
9:23am Victoria Station/Platform19---->Clapham Junction/ Platform 13 (5mins)
9:38am Clapham Junction/ Platform 6----> Windsor & Eton Riverside Station (45mins)
▼ 我地拿著哥仔既字條, 再入返站裡面買來回票, GBP15.8, 巧貴啊~
往19號月台進發, 終於上到車啦!!! YEAH! 上到車後, 查爸又喺度話乜啲車費咁貴..........嘻嘻~ 其實我上網search 都知車費係貴, 一陣既入場費都唔平添, 仲要轉一程巴士添~ 呵呵~
▼ 架車冇咩人, 不過我地只係坐5分鐘就要再轉車!
▼5分鐘後就到Clapham Junction, 要由13號月台行去6號月台
▼45分鐘後, 我地就到左 Windsor & Eton Riverside , 順帶一提, Windosr 有另一個站叫Windsor & Eton Central Station, Central Station 果邊一出就見到Windosr Castle, 但我地個站其實行過去Central Station 果邊都好近的, 所以, 我覺得坐火車去事但一個站都OK 架!
▼ 我地就係坐哩架車啦~
▼ 行左一陣, 就去左Central Station 附近既Royal Shopping Mall. 根據網上資料, Information Centre 就喺裡面
▼ 果然好易就搵到!!!
去Information Centre 做咩?? 就係買Legoland 既入場卷, 因為應該比係樂園門口買平啲......但我地真係唔記得當時張飛幾錢呀........所以唔知平左幾多! , 佢網上寫Standard 要GBP41.4, 我印象中, 我地當時好似30幾的.......張飛冇寫幾錢.....
大家plan 既時候, 一定要上佢地個網check 個open day, 因為佢地唔係成日開架!
LegoLand website
▼ 查爸買飛同問個職員巴士站位置
▼ 搞掂晒之後, 我地就路經Windsor Castle 去找巴士站, 因為我地打算玩完Legoland之後, 先再參觀 Windsor Castle...天氣好好呀~
▼ 我手痕叫查爸停一停, 幫佢影張相, 點知, 最後得佢有得同Windsor Castle 影合照囉!!! 我就冇機會!!! >___< 點解呢??? 下回分解.....
▼ 喺搵巴士站既途中, 竟然又有操兵喎!!!
▼ 我地緊係即刻停低啦~ 好近呀~ 比之前係白金漢宮近距離好多呢...... ^.^
▼ 再送上片段.....
睇完操兵, 我地問個女警員巴士站喺邊, 佢竟然唔答喎!!!
▼ 車!!! 我地自己睇地圖再搵! 其實唔難找的, 只不過我一路以為個巴士站係好似Blog 友仔所講的用Lego 砌的站牌.........所以一直只在找Lego站牌..........點知, 可能宜家冇左, 只係一個普通的巴士站牌
▼ 巴士係半個鐘一班.......
等左一陣, 有一架702號巴士埋站, 仲有寫會經Legoland, 於是查爸心急地要上車.........但其實我見去Legoland 既專巴200號其實都埋緊站........
這架702號巴士就為今天的驚險埋下伏線..................
好, 講返架巴士, 車費來回GBP4.6 一個人, 上車時同司機講買Two way 就得啦~
車上好多都係老人家, 婦孺同小孩, 我地坐係一對老夫婦對面......我就一邊睇下Legoland 既地圖, 因為頭先買票時, 職員已經比埋樂園既 地圖我地..........坐左一陣, 巴士顯示Legoland, 我地以為到左, 起身想下車之際, 對面既老夫婦叫我地唔好落, said: it is not Legoland, next station! 其餘車上既人都話比其他想落車而又去Legoland 既人唔好落!!! 果一刻場面都幾搞笑.............
架車再一路駛入去........就好似我地揸車去香港迪迪尼時, 都要經過一條兩旁種晒樹既車道後, 先到正門........ 過左一陣, 巴士再停站, 今次真係到啦! 我地亦都向老夫婦say Thank you~ 然後落車
▼ Legoland 既main entrance
▼ 園內好似冇咩人喎!
▼ 下面就係樂園喇~
▼ 好興奮, 見到一連串用lego 砌既物件!
係園內行左一陣, 我地發覺身邊既小朋友, 大部份都係3-10 歲, 好少好似我地哩啲成人而沒有帶小朋友囉.........哈哈~ 即係話, 樂園既遊戲都唔會好刺激的......咁都好呀~ 我地好enjoy ~ 仲覺得好好玩添..........
▼第一個玩既, 就係哩個遊戲, 類似跳樓機咁, 不過呢, 係要自己扯條繩, 先會升上去, 一放手, 就會下降............ 雖然睇落好低b, 但原來都好驚架!!!
▼ 之後, 我地再坐高架小火車
▼ 睇到下面既Mini Land. 即係用Lego 砌既小小世界~
下集預告: Mini Land. Lego 砌既小小世界~
感謝 查媽美子 提供以上資料
查媽美子的網誌:http://littlemaychi.blogspot.hk/
