Day 4: 2011-5-13/ Fri/ 晴
旅遊知識:
耗費3.4億歐羅（約33.5億港元）興建的安聯球場，出自曾設計倫敦Tate Modern博物館及為北京奧運會設計國家運動場「鳥巢」的瑞士建築師Herzog及de Meuron的手筆，2005年4月正式啟用，那充滿未來感的劃時代外形，隨即引來舉世球迷驚歎。球場最惹人注目的地方，首推以特製纖維縫製的天幕，離看活像天繭般奇詭，晚上外幕更會亮起不同燈光，映照出璀璨光芒。不說不知，拜仁慕尼黑在此比賽時，整個幕牆便會變成紅色，而當同市球隊慕尼黑1860出戰時，則會變成藍色，惟德國隊出戰時便會全泛白光，實在相當有趣。據球場管理人員告知，這只有0.2毫米厚的纖維質料，既能防火防熱及抵受撞擊，極乾或極濕時也不易耗損，如此高科技及實用兼備的球場，更只花九個月時間建成，盡顯德國人的效率，難怪由足球界至建築界都對球場一致讚賞﹗
好! 開始導覽........全德文......我地唯有頭望望......
▼先行到去最高果一層
▼導覽叔叔講解左哩個特製纖維天幕好耐呀!!! 仲有一少塊纖維幕比我地掂吓. 真係好堅韌!
![]()
▼ 終於入到觀眾席啦! YEAH!!! 纖維天幕可以遮蓋全部坐位, 落雨都唔驚!
▼ 下面又有一團, 佢地冇嗱嗱嗌口號! 嘩, 個球場好傳聲架! 我地清楚聽到, 仲有回音! 我地個團都唔執輸, 又嗌返過去!
▼ 小Fan 屎巧開心
▼ 之後, 就入左一連串既餐廳, 唔知係咪全部都比球迷用既呢?? 定球員用???
![]()
![]()
![]()
![]()
▼ 出返去小食部~
![]()
旅遊知識:
安聯球場雖只有六萬六千個座位，距現今世界各大球場相比，容量並非特別出眾，但觀眾數量並非重點，最重要的考慮是要令每個觀眾更接近球場，所以最遠的座位與草地距離只是 七十米 ，觀眾坐在底層舒服的桶形座椅上，距球場邊界更只有 八米 。
▼ 再到球場既底部
![]()
可惜導覽叔叔冇比我地行出草地...... 之後, 我地又入返去
▼發報室! 查爸隔離個啲係我地既團友~ 都幾靚仔架! 嘻嘻!
▼ 更衣室
▼ 唔知點解有個泳池?? 定按摩池呢??
▼熱身房???
▼ 球員出場通道呀!!!
![]()
▼ 球員上旅遊巴通道
大約70分鐘既導覽團好快就完啦~
我同左好多球員影相呀 ^^
![]()
▼ 最後, 仲有球迷放血時間!!! 不過我地既小fan 屎好克制, 買左唔多. 佢話波衫香港買平啲添喎 ~
![]()
![]()
▼ 5點半左右, 我地就走啦~
▼ 一生人有機會朝聖一吓, 真係好開心呀~ 我地黎德國, 主要都係為左朝聖呀!
感謝 查媽美子 提供以上資料
查媽美子的網誌:http://littlemaychi.blogspot.hk/
