2010-10-17
Mocha 生日會之後, 查爸就直接車我到機場啦~ 唔知係咪太頻撲, 個心好唔定呀! 加上見mocha 生日會唔笑, 唔知係咪知我走, 我都好掛住佢呀~
去到上海既酒店, 已經係晚上11點幾啦! 第二朝, 同事就車我上班, 晚上, 佢帶左我去酒店附近既商場食上海菜~
▼ 哩個係用來"噬"既小籠包~
▼ 第二日, 我地去了蘇州, 中午竟然去左陽澄湖食大閘蟹呀~
▼真係發夢都估唔到呀~ 我其實唔食大閘蟹, 係香港都冇食過, 冇諗過, 第一次食, 竟然就係咁出名既地方食, 應該係最正宗既陽澄湖食大閘蟹呀~ ~ ~ 不過我哩個港爃, 對住兩隻蟹完全唔知可以點, 好彩同事幫我, 仲教我點食, 邊啲唔好食, 好涼喎..... 我都唔知有冇食左, 哈哈~ 我鐘意食乸多啲, 好似咸蛋黃咁!
食完飯之後, 我地又揸返兩個鐘頭車出返上海, 之後就番左公司, 晚上, 同事又帶左我去世博呀~ 但係, 嗱~嗱~嗱~ 我其實唔係好想去架炸, 我真係唔想去排隊呀!!! 但同事話返正大把入場劵, 入去睇睇都好呀~
我地係中國館果邊入左場, 之後, 就有人問我地要唔要預約飛啦(黃牛), 經同事講價之後, 最後RMB315兩張~
▼收左飛之後, 以為好快就入得, 點知, 要等一批批放人, 我地等左30min~
▼ 上左扶手電梯, 去左中國館底部............頂!!! 原來又要排!!! 哩幅相係我入完館出黎影返既, 我地之前就係咁, 排左個半鐘先入到館架!!!
▼ 講返館入面, 最好睇就係以下哩個啦~
▼ 仲有兵馬俑
▼其他果啲, 就好無聊啦~
▼最後, 我地9點出返離, 炸炸林飛的出南京路, 因為我要買金華火腿呀~ ~ ~ ~ 以下果啲taxi 同事話係世博taxi, 佢地車完客要返去園區架(係人潮離開既高峄時段), 唔可以做其他人生意~
最後我地剛好係食品公司關門前買到手信啦, 之後就同同事食麥當當, 同事餓死啦, 哈哈~ 好滿足呀, 今日我地做左好多野呀!
第二日, 上午再去睇睇公司既野, 之後10點幾就到機場啦, 下午2點幾就返到香港, 之後仲有下場呢...........
感謝 查媽美子 提供以上資料
查媽美子的網誌:http://littlemaychi.blogspot.hk/
