2010-4-28
今日, 係我地唯一既一日full day係東京, 之前有諗住去DD尼, 好彩冇買定飛姐, 因為今日又落雨............
好, 照行程, 都係食同shopping, 落雨都冇影響. 之不過, 都唔洗咁大雨掛, 我地去到築地既時候, 成腳都濕晒, 我堅持要食壽師大, 等左比上次耐, 足足個半鐘, 好辛苦呀~
▼ 但係值得既, 我地今次仲叫多左個赤貝, 正!正!正!正!正!
又係上次個師傅, 佢問我地係咪"honeymoon", 我就答佢, 係 "Marry soon"~ 哈哈~ 佢再講 "honeymoon come again" ~ 哇哈哈~ 好呀~好呀~
▼ 食完之後, 就去我最愛既吉祥寺啦~ 去食上次食唔到既牛肉球~
▼ 超多人排隊咧~
▼ 好juicy 呀~ 正!正!正!正!正!
因為落雨既關係, 就冇再行過去公園啦~ 就咁係shopping mall 度行下, 之後, 就去左上野, 因為明天要返香港啦, 我地要去買手信, 仲有, 我地未決定搭咩去機場, 但知道上野有京城鐵路去機場, 係比較平既方法, 於是就去探下路~ 係呢, 我地搵唔到啲大locker 呀, 有人知係邊嗎?
▼ 典知, 又比我地係上野JR站附近見到佢呀~ 我要追加返我塊肉呀~~~
▼ Hee Hee, 唔係淨面啦~
食飽飽之後就去買手信啦, 我地又遇到一個好好人既老闆, 係咁請我地食野, 又可以講下價, 所以就幫佢買左好多零食手信啦~ 當然我地都有去二木菓子~ 但最開心係, 係上野賣手信隔離果條街, 果度有好多衫賣架, 我係果度買左對好貼腳既Rain Boot 呀, 哇哈哈~ HK$4舊, 平過買hunter 喇~ 可惜, 東京果時已經停雨, 冇得即著黎新屎坑添~ 每次去日本都要買對鞋先心息~Hee..
上野之後, 返酒店休息一陣, 又殺出新宿食野啦, 今次去左書仔介紹既中村屋食咖哩, 不過我覺得一般, 唔係話超級好食, 同埋有啲貴, 食拉面好過~不過佢樓下cafe 啲甜品就好似好正~
▼ 我既日本和牛咖哩
▼ 查爸既印度咖哩雞
感謝 查媽美子 提供以上資料
查媽美子的網誌:http://littlemaychi.blogspot.hk/
