▼ 玩完出黎啲雨都冇停呀, 我地係附近既手信街行下, 見到有雪糕食, 又要食下先, 個事頭婆仲好好人, 知外面凍, 叫我地入去鋪裡面食, 好好彩, 就係黎間鋪搵到朋友仔叫我代買既鹽漬櫻花~
▼ 買完野之後, 我雨都係一直落, 於是乎, 搵到哩個巴士站, 可以搭返出去電車站既, 但好可惜, 我地送車尾.......係巴士站旁既手信鋪老闆見到我地送車尾, 就叫我地入去佢鋪頭坐下, 佢仲幫我地睇吓下一班車幾時到, 又請我地食野~ 我地見佢咁熱心, 都忍唔住幫襯下佢, 買左盒手信啦, 伯伯, 你係得既~ 於是乎, 我地順利搭到車出返去啦~ 5分鐘車程就到, 難為我地之前係行入黎~
▼ 去返電車站之後, 就向另一邊, 即Outlet 進發, 第一站, 梗係食返啲熱野啦, 又凍又餓, 日本烏東係好食啲既~
▼ Outlet 呀, 之前好期待既b 仔outlet 好失望呀, 得啲舊款, 不過好平, 我買左兩個都係一千蚊HK$~ 一個自己, 一個母親節送媽咪~ 唉.........查爸就好, 係Beams 買左件褸!!!
▼ 之後, 我地就搭返新幹線離開輕井澤了~ 再見啦, 有機會, 我會再黎真正的賞櫻, 許多年後, 黎回味一下我地當日影結婚相既情境~
▼ 係侯車室, 搵到個熱粟米湯呀~ 每次見到佢都好開心呀, 凍到死既時候, 攬住佢實在太好啦~
▼ 真係要走啦................
▼ 好順利地返到新宿, 又係晚餐既時候, 和幸, 正!正!正!正!
食完係新宿遊盪左一陣就返去喇, 開始攰添........新宿都落緊雨呢............
感謝 查媽美子 提供以上資料
查媽美子的網誌:http://littlemaychi.blogspot.hk/
