2010-4-27
第二朝9點幾我地就check out 落樓下食早餐, 見到第二日影相既couple 呀, 好想又影多次, 哈哈~ 不過今日天氣唔好, 落雨, 又凍, 估唔到一日之差.....天氣轉差, 日本既天氣預報真係好準.
▼ 同佢地道別之後, 我地就搭新幹線, 搭一個站, 佐久平--->輕井澤落車, 雖然一個站, 但車費都要成1000Yen, 一出左車站, 啲雨越來越大, 仲好凍添呀, 見到嗎?
我地今日既行程就係去輕井澤美術館, 之後行下街, 買下手信, 最後去Princes Outlet. 我地冒雨由車站一直行, 應該會去到琴日影相既電話亭, 但一路行......一路行......都未見, 四圍問人, 但係沿路既日本人都係從第二度黎玩架, 所以佢地都唔知, 好多商鋪又冇開, 果時都幾慘, 又凍又濕.
▼ 好彩終於有個本地日本人, confirm 左我地個方向冇錯, 最後, 終於都見到琴日影相既電話亭啦, 超開心, 因為查爸話即係差不多到美術館
▼ 其實美術館就係附近架, 不過..........我地只係行錯左入第二條街, 搞到行左好多冤枉路, 又要問人, 不過日本人真係好好, 我地問左啲日本遊人, 佢地雖然都唔知, 但都幫手睇佢地手上既日本地圖幫我地辨認方向.大家互相研究地圖, 哈哈~
▼ 幾經辛苦終於都到啦~美術館要收入場費, 可能因為咁, 冇乜人去? 但我覺得幾好玩呀, 出面又落雨, 入去玩下消磨時間都幾好. 裡面好似畫廊咁, 牆上面有好多壁畫, 但啲畫係好3D架, 有啲遊人影既sample 係度比我地參照下點影,啲角度先會3D 添~唔講啦, 去片~
▼ 我地都玩左成個幾鐘, 最後有免費cake 食~
>>>>>待續
感謝 查媽美子 提供以上資料
查媽美子的網誌:http://littlemaychi.blogspot.hk/
