近排實在太忙, 好耐都冇update 個blog 喇, 加上又有好多冇聊留言, 搞到冇乜心機寫, 宜家有左留言驗證, 希望可以阻止啲冇聊留言喇, 雖然留言麻煩左, 但大家要回應下我呀~ *v*
好! 宜家時光倒流, 講返11月既事
2009-11-14
又係一年一度既闔家歡旅行, 今年已經係第三年喇, 之但係今年都係唔齊人, 查爸同大家姐,大姐夫都有事唔去得.....
今年我地join 左 以下黎個旅行社...
大家聽過未?? 之前太后同二家姐join 過, 話好抵玩, 原來佢地真係好受歡迎架, 果朝係羅湖集合, 一去到天橋底就見到一遍旗海, 全部都係佢地啲人, 同起碼有幾百人係度集合等出發到國內旅遊, 真係勁!!! 好彩家姐佢地熟路, 好快就搵到我地既導遊報到, 經過一輪之後, 終於都上到車喇!
我地今次既目的地係華橋城, 其實我上年公司旅行已經黎過.....因為知道係山區, 我都著左厚衫, 但老豆同太后就帶唔夠衫, 係華橋城凍左成日呀!!!! 所以玩得唔係咁開心, 加上適逢好多國內民工趁假日黎玩, 搞到樣樣都要等......等......等...... 勸各位, 真係唔好假日去丫......
我地既午餐
其實我覺得黎個團啲野幾好食, 比永X 康X 果啲好食架~睇下我地既晚餐幾豐富!
第二日lunch 既農家菜都好好食!
餐廳養既小狗, 好得意架~
太后都變左狗痴喇, 哈哈, 見到狗都好興奮
第二日散左團之後, 我地照上年慣例, 去左食羊, 查爸都有上黎join 埋我地添~ 之但係叫咩冇咩, 原來佢地轉左老闆, menu 都轉埋, 做左打邊爐, 冇晒啲羊食lu......
感謝 查媽美子 提供以上資料
查媽美子的網誌:http://littlemaychi.blogspot.hk/
