2009-6-4
今日咁特別既日子, 我地冇去維園, 而係去左旺角敗家, 之............唔係去左買玩具囉!
為左以後去沙灘影相方便啲, 好想買部防水相機呀! 搜集左一啲資料之後, 再同店員研究之後, 就買左黎部。
O仔DC 我未用過, 但記得以前既菲林機係黎個牌子, 啲相都幾靚。
其實防水相機選擇唔多, 我地主要都係睇價錢, 因為始終重要場合都唔會帶黎部出場, 佢只係"三奶", 哈哈! 咁黎部原價$2,380, 8仔好傾店員再比個友情價$2,310, 跟住好傾店員問我地簽邊張卡, 我地用左滙丰, 好傾店員又問, 咁用唔用cash dollar?? 我地都R晒頭, 咩呀, 唔係Hang Seng 先有cash dollar 咩??? 我地唔信, 亦都未聽過滙丰有喎, 好傾店員就氣定神壇咁話: 有冇, 等我幫你check 下就知喇! 好, check 下都無防, 點知, 佢check 完之後, 竟然有$110 cash dollar 丫, 我地最後只係要比$2,200咋, 真係好開心呀, 阿好傾店員仲話啲積分用黎買野, 抵過去換啲咩咩Coupon呢! 另外好傾店員例牌送左好多廢野比我地, 其實好多都唔想要, 最後屈佢送左張8G卡, 原本佢只係話送4G咋!
即刻試影!!! 黎個係360度環迥拍攝, 幾好玩~
哈哈, 落水測試要等我地聽日游完水再報導!
好傾店員提醒我地有幾樣野要注意, 部機可以keep 得好啲:
1) 落水拍攝時, 不能夠用後備電, 一定要用原廠電
( 咁即係佢送既兩夠後備電係廢喇!!!)
2) 落水前, 開啟電池位及AV線位之門蓋, 吹下佢, 確保沒有衣服等纖維黏著
(電池位及AV線位係全機唯一有駁口位既地方, 即係唯一會入水既地方, 要
小心保護)
3) 落水之前開機
4) 水中最多拍30分鐘, 上水後即時用清水沖下部機
基本資料
1000 萬像素及3.6倍光學變焦
- 首配備28mm廣角鏡頭
- 特強3米防水拍攝功能*
- 1.5米防撞外殼*及防塵保護設計*
- 智能防手震功能
- 新增美肌模式及美臉修正效果
- 全新 iAuto 智能模式
- 全面支援Micro SD / xD 記憶卡
特點
防水、防撞、防凍功能
俱備有防水、防撞、防凍三大功能。取用嶄新物料，無需外置防水殼，亦能於於水底3米內進行拍攝。而且防撞功能亦通過防撞測試*，證實機身於1.5米內跌撞後，依然可以正常運作及拍攝出高質素的相片，最適合於戶外活動時使用。-10°C防凍功能，無論於電子及機械組件均已通過嚴格測試*，證實能抵禦寒冷天氣，在冰天雪地的環境下都可以正常拍攝。
美肌模式Beauty Mode
新增的美肌模式Beauty Mode，為用家帶來前所未有的拍攝新體驗。配合智能臉部對焦(Face Detection)功能，只需輕輕轉動模式轉盤至Beauty Mode進行拍攝，美肌影象效果即時完美呈現。
美臉修正效果
除可以在拍攝時使用美肌模式外，在進行拍攝後，用家亦可以透過美臉修正效果，於相片上進行臉部修正，其中包括亮麗肌膚、閃爍眼睛及浮誇眼睛效果，為完美臉頰保持最佳效果。
輕拍拍攝模式Tap Control
為方便於水中拍攝，新加入了輕拍拍攝模式Tap Control，只需輕拍機身便可以控制快門、相機設定。用家只需輕拍LCD屏幕頂部，便可以進入影像播放模式，輕拍機身左右即可觀賞前一張和下一張相片。
iAuto智能模式
iAuto模式可自動偵測相機內之境像，根據當時環境/情況(人像、風景、夜景+人像、微距、運動)，相機設定會自動更改，以拍攝更出色的相片。如當拍攝人像時，相機設定會自動調教至人像模式，使拍攝之人物更清晰。
感謝 查媽美子 提供以上資料
查媽美子的網誌:http://littlemaychi.blogspot.hk/
