有人老點!

2009-5-9

話說前一排係晚間新聞聽到話咩狗公園, 我當時啱啱係沖完涼出黎, 淨係聽到狗公園3 個字........查爸話主播提到青山道咩咩咩.....公園係狗公園, 佢話佢知人地講緊邊個!

今日星期六, 原本去彭福, 點知今日跑馬, 於是, 我就提議去果個傳說中既青山道狗公園喇~

查爸車左我地去大連排附近, 心諗, 竟然係工業區?! 泊好車, 我地就行過去個公園度喇~ 頂!!! 大大個牌-- NO DOG ALLOW 喎, 點先, 老細!!! 查爸原來帶左我地去中葵涌公園, 但因為果個公園係工業區, 我諗應該冇乜人, 所以一場黎到, 梗係照入喇~

個公園好大, 係圍繞住個山坡興建, 一路行上去, 係會上到青山公路, 但就冇乜草地, 所以mocha 都冇乜free run, 我同查爸就慘, 咬到成腳蚊懶!!! 真係激屎我!!!

燥底咁回程既時候, 又比我諗到不如上城門水塘喇, 因為我地成日經過個路口, 都未試過揸上去, YEAH!

嘩, 沿路上都有好多車, 仲有好多馬騮, 我地前面架車仲停埋一邊, 拋d麵包出去餵馬騮添, 引黎好多馬騮, Mochaccino 不知睇到幾咁肉緊~

最後, 我地駛到水塘喇,  落車行左一陣







因為就快天黑, 下次再黎過先, 最好可以BBQ, 果度真係一個好地方~




感謝 查媽美子 提供以上資料
查媽美子的網誌:http://littlemaychi.blogspot.hk/