離開狗公園後, 我地到左香薰園啦, 嘩, 做乜咁多人既, 好似個嘉年華咁, 我地好彩之前book 左 BBQ, 仲有狗狗專區添, 其實都知道帶住d小朋友BBQ有d難度, 好彩有太后同後來join 我地既二家姐同姐夫, 幫我地湊下小朋友, 嘻嘻~
我地親個太陽仲咁好, 出去薰衣田到影下相先, 話晒都係今次嚟既主要目的丫 ~
嘩! 真係唔"踎"唔知身體好, 話說d薰衣草其實唔係長得好高的, 同Mochaccino 差唔多, 要影到好似好勁咁的話, 無論影果個, 同被影果個, 就要"踎"得好低啦, 嘻嘻, 好在我有跳開舞, 要幾低都冇問題...........er..........不過踎低起身見頭暈........
▼ 媽媽, 你唔好暈字丫, 同我影埋相相先丫
▼ 低d................再低d...................
▼ 大家都好比心機"踎"呀"踎"......真係仲攰過"踎"塔丫
▼ 最後都要"踎"埋張合照呀........依......唔見左QQ family 既? 原來佢地已經放棄左, 返左去BBQ 啦, 哈哈~
▼ 終於有得食啦.......
▼ 我地燒到6點幾就走Lu.......下次再玩過!!!
感謝 查媽美子 提供以上資料
查媽美子的網誌:http://littlemaychi.blogspot.hk/
