各位香港既blog友：
如果你響香港街頭見到個自以為好靚，充滿自信，但其實個樣殘殘地、個身形仲係肥肥地既師奶
無錯嘞，你地冇認錯人嘞
嗰個就係張師奶！
Surprise! Surprise!
我又返左香港了！
今年.....已是第四次回港
今次回港有d私務要辦
逗留三星期
當然除了做正經事
其間我亦一定會盡情玩樂
好好享受我不用做師奶既時光
這三星期就樣張生做個帶子洪郎吧！
今次回港又係老媽全不知情的
我兩條針，which are 老爸和我細妹就幫我打探老媽會響邊
然後張師奶便突然出現玩surprise
先是老爸打電話俾老媽問佢位置
起料老媽只怱怱說了句"在灣仔、唔得閒"便掛缐
老爸呢條針呢真係.....唔扺俾線人費!@@
然後缐人二號我細妹出場，有技巧地chok老媽："咦！有人啱啱見到你響灣仔喎？！你去灣仔邊處做乜呀？"
就係咁，老媽就落撘嘞
原來佢去左做Thai massage
於是乎張師奶就踩上去按摩院到
俾左個大surprise 佢老人家嘞 :)
而張師奶亦趁機做番part 按摩
爽！
做完按摩老媽老爸去飲
而張師奶當然把握機會走去食....
南記！
酸辣腩肉小窩米加春卷加貢丸吖唔該！
大愛！
食完我其實已經好攰
但我都必定要去銅記街頭走番轉
這是我感受番自己係香港人既方法之一
可惜現今的銅記街頭
走在我前後左右.....
都是說普通話的！
真無奈！
感謝 英國張師奶 提供以上資料
英國張師奶的網誌:http://cheungc9.blogspot.hk/
