決定要擺酒後，我就一直諗揀邊日擺酒啦！其實我之前註冊時係無擇日子，但點解我揀12月2號呢？因為呢日係我地拍拖紀念日，哈哈！ 因為媽咪想我係蛇年擺酒，開頭諗住揀我就諗左情人節2月14號，因為佢係新年期間擺酒會平啲，但媽咪聽啲三姑六婆話正月結婚唔好，我唔想煩決定出去比錢人擇日子啦。
因為媽咪都唔識唯有問朋友，問左好多朋友佢地係邊度擇日，佢地都講左唔同地方，但都好遠下，可能我住新界深山地方，去邊都覺得遠。妹妹比我早三個月結婚，佢係未來奶奶擇日子的，佢幫我問佢奶奶拎電話同地址啦。我打去Book時間時，林師傅話可以email我啲資料比佢先，等佢計好後先打黎叫我落去拎，估唔到而家擇日都可以咁方便喎！不過收左線先諗到，email個人資料出去，會唔會好危險呢？最後我都係貪方便email左比林師傅。
隔左幾日林師傅打比我，叫我可以隨時落去拎。佢用電腦打到好整齊好靚，仲用左張粉紅色紙印好比我，打開睇有兩張紙加埋有10個好日子比我地揀。媽咪想星期六，方便啲親戚黎飲完第日係假期，最後我地就揀左3月30號啦。
感謝 關太 提供以上資料
關太的網誌: http://mrskwanbbb.blogspot.hk/
