補完考reading 2後, 波蘿包同呀狼約左我就一點係A梯下面等......我到黎之後, 嘩! 一見到好多唔同班既同學趕趕趕做project, 因為每個組揀一個代表者做model黎catwalk, 所以今日係成個project最後一日, 姐係完成左學期尾......跟住呀狼見到我向我打招呼, 呀狼問我波蘿包呢？我唔知波蘿包去左邊？咁我就寄sms比波蘿包, 事後波蘿包黎左, 我地開始趕快做, 就等三點半開始上堂準備catwalk......總結個fashion show好好睇, 有d好好笑, 因為有d同學可以大膽, 又可以豪放, 又可以熱情, 又可以咁狂野, 又可以性感, 好多唔同表情或感覺, 因為好多野主題既衫要同唔同表情或感覺互相配合下嘛!!! 我地做到6點半就走人, 雖然好累又好忙, 但係都幾開心架!!!
你地知唔知fashion show既定義係咩野呢？讓我講下先, 你地要明白任何一類設計都係由conceptual ideas 開始, 然後再 develop 落去到最後嘅 final products。Fashion Show 就好似一個活生生嘅 portfolio, 展示 designer 嘅 ideas, development (sometimes) 同 final products,所以響 runway 上面您會見到好多 "只可以放係model上面, 唔會著係人既身上" 嘅 "衫",因為呢 d pieces 先係最 rough 但又最能表達成個系列嘅 concept 同 ideas, 幫助你地去明白點解會出現呢個 final design。所以我會當係一件藝術品咁睇, d 人亦只會買黎珍藏, 唔係要黎著。
我原本有影相, 點知我部機好快無電, 好彩有波蘿包既相機都夠位比我影, 因為唔同班既同學真係太多, 多到未能可以影晒全部既相, 所以影到有部份既相, 而家post相出黎同大家分享下喇!!
前後兩把雨傘呢張相既人係波蘿包, 就係佢、呀狼同埋我為一組, 我地做得都幾辛苦架!!
好餓, 因為今日連早餐同午餐都無食過, 所以今晚好好食既大餐, 補充下身體先得!!
