相信大家呢個月都不停為情人節預備，忙買禮物、忙扮靚裝身。
朱迪因為番新工，忙到噴煙呀！哈哈。
但忙還忙，情人節前我早就已經約好了我的愛人。
![]()
( 坦白講，我俾何韻詩嘅賈寶玉造型電暈咗，男友呷醋了~~
XDDD )
仲買左禮物俾自己，而家賈寶玉日日陪住我打仗！
![]()
除咗賈寶玉外，朱迪之前亦準備咗另一份禮物俾自己。希望自己就算打緊仗都KEEP到皮膚唔好太差。
就係呢個啦！
glamabox 2月份情人節特別版！
![]()
特別版總共有8件產品。由健美小吃到美肌飲品、由頭髮、護膚品、牙齒護理到指甲油均一一送上，務求令大家係情人節時以最佳嘅姿態示人。
![]()
![]()
近期朱迪晚晚更加努力用護膚品及敷mask。而亦將glamabox入面嘅兩個productk加入護膚流程中，分別係「Enprani
Retino x8 強效重點抗皺緊緻精華」＆「Talika
Smile & Kiss二合一雙效護理亮齒美唇筆」。
![]()
先講「Enprani Retino x8 強效重點抗皺緊緻精華」(適合任何膚質)，上網search 先知係韓國高檔美容品牌。個人感覺不錯呢~。
![]()
朱迪嘅眼紋同額頭嘅火車軌好鬼嚴重。睇下下面嘅嚇人相~~~
![]()
![]()
眼經常浮腫而我又成日捽眼，戴con時亦會扯眼袋位，所以大學時期已經有眼袋。而又因為朱迪細個咩都唔鍾意、成日皺眉，所以額頭上已經有3條路軌了。到大個時識後悔已經太遲。亦因為咁，我第一時間用嘅位置係眼部同埋額頭。
淡黃色嘅精華係略帶厚身嘅cream，微香（敏感肌嘅我都用到）。質地好易被推快，雖然感覺係潤、但驚喜地唔會有笠嘅感覺。
![]()
朱迪用咗7晚，分別係夜晚當眼霜用，同埋用係額頭火車軌上。(早上無用，因為有另一支eye cream 用緊)
眼部大概用「吱」一下嘅份量(左圖)，額頭因為太大，所以「吱」咗兩下。(右圖)
![]()
然後再配合說明書上所教嘅按摩動作，精華10秒內即被皮膚吸收！快到我一拎起部相機就吸哂…唔知係咪我用錯呢…. 精華質地唔油，我用咗係眼部成個星期，一粒油脂粒都無。 有一晚因為對電腦對得太耐，我搽多咗少少當eye mask敷，之後直接訓，第2朝都無事。
用咗7晚，見到眼頭細紋開始有少少減淡跡象，而且眼底皮膚緊緻咗同平滑咗；
我覺得緊緻同平滑嘅效果相對減紋唻講，快少少見效。額頭嘅路軌暫時未有反應（佢地起咗咁耐，要拆需要好長時間）。
![]()
抗皺緊緻減紋係長期作戰，用咗7日就勁work嘅反而要留意下。但so far 感覺唔錯，所以會繼續用，用完後有機會再向大家分享~
講完抗皺精華，到呢一支啦。就係「Talika Smile & Kiss二合一雙效護理亮齒美唇筆」
![]()
朱迪嘅工作要成日見客，牙齒亮白好緊要。但偏偏朱迪係咖啡精，每朝一定一杯咖啡。久而久之，牙齒有少少黃，好醜怪。而又因為擦牙擦得太大力，牙面蝕哂。所以一直物色各樣美齒產品，但坊間產品太多，令我無從入手。
而當我見到「Talika Smile & Kiss二合一雙效護理亮齒美唇筆」時，立即閃閃眼咗一下。估唔到一盒8件入面，有兩件產品咁啱心水。 亮齒美唇筆嘅雙頭設計非常方便，一邊係美白亮齒精華、另一邊係美唇精華，一支完成整個嘴部護理，最啱我呢d懶人。
![]()
美白亮齒精華嘅一邊係微型掃頭，早上同晚上各用一次。一次精華用到一排牙齒，味道就有d似去做美白牙齒機嘅gel一樣。留意只搽牙面，有時重手搽到牙肉會有少少拮拮地、麻麻地嘅感覺，不過大致無特別問題。 用左7日後，開始有dd成效，d牙好似白咗少少！希望一直用落去之後，d牙可以再白d!!!
而美唇精華係LIP GLOSS頭，建議經常用，不過我都係用美白亮齒精華時先用，唔想拎太多野出街。精華好令身，平日用可以當LIP GLOSS用。用咗幾日後，朱迪嘅乾唇情況有改善。平日一日搽幾十次潤唇膏嘅我，(好過份呢…我夏天都要用凡士林架…)由平均一個鐘搽2次減到一個鐘一次。So far 感覺唔錯。
![]()
總括唻講，2個product 用咗一星期表現都ok，會繼續用！希望用哂成支後有成果，到時我會回購嘅！ 再一次，多謝glamabox 送我貼心又實用嘅禮物！ 情人節快樂呀！
~~~~~~~~~~~~~~~~~~~~~~~~~~~~~
★朱迪☆
Y blog : http://blog.yahoo.com/judytse
Email : bluesky_judy@yahoo.com.hk
~~~~~~~~~~~~~~~~~~~~~~~~~~~~~
