香港花展另類欣賞分享

一年一度的香港花展又來了。

大家係咪好期待去親親各式花卉的芳澤？

定係已睇左幾年花展，覺得年年都差唔多，無乜新意？

 

本人是香港花展的長期fans，年年都要去睇一睇，每次都發掘一下新鮮野，

我認為除了中間主場的展品必睇外，其實都有D其他野值得一睇。

以下是本人的一D提議：

 

A. 繪畫比賽

 

花展第一日舉行校際繪畫比賽，

展場內任何角落都會見d學生聚集一起，埋頭苦畫，

本人會睇下佢地畫畫，又聽下D旁觀者細聲指指點點，都幾過癮架！

 

 

 

 

 

而今年比賽的安排是3月7日上午小學組比賽、下午中學組比賽，

得獎作品於3月8日至3月16日花展會場展出。

 

B. 插花及黏土花

 

位於大草地旁的帳蓬，你地有無去參觀呢？
那兒除了盆栽外，亦展出別具創意的插花及黏土花作品，

而且主題年年不同，所以年年都有驚喜！

若果遇上下雨，這兒更是避雨參觀的好地方。

值得注意的是插花及黏土花作品是輪流替換的，

花展頭三至四天是插花作品，之後便會換上黏土花，

若想兩種展品都睇晒，就要去兩次花展了。

 

 

 

 

C. 盆景

盆景作品展區設於通道位置，不大起眼，

加上無乜色彩，好易被人遺忘。

正因如此，在這裡欣賞作品不用跟人迫，亦可慢慢細心欣賞。

其實盆景展現的又是另樣的意境，好像在看國畫一樣。

 

 

 

 

D. 夜花

日間的花展人山人海、人頭湧湧，想靜心影下D靚花都有D難度？

不防試下放工後去睇下夜花，人少D又靜D，

夜間打了燈的花給人不同的感覺呢！

 

 

 

E. 雨花

遇上落雨，花展的遊人都會少D，若不怕麻煩要撐傘，

雨中淒迷的花卉或沾上水珠的花又是很好的攝影題材。

睇最近的天氣預告，今星期去花展極有可能睇到雨花呢！

 

 

嘻嘻！我的這些廢話會否激發起大家無論點都要去參觀花展的欲望呢？