0

一再要買的沖繩物品及手信

小地勤點滴 於 2014-03-10 00:24:07 發表  |  累積瀏覽 1544

分類:美容產品
返工要化全妝 , 試過買了些四五十元的 Cleaning Oil , 但眼總是落唔乾淨 . 我很懶 , 總之要一次洗乾淨 , FANCL 的確很好用 ,眼裝一次落完 , 用了兩三年 , 由 300 元 2 支用到 330 元 2 支 . YEN 一直升 , 它的價格也跟著升 , 但我的人工沒有升呀 ! FANCL Cleaning Oil 印象是 150 ml 一支 , 基本上一個月就 KO 一支 , 但再貴也要買 , 因為的確很好用嘛 !

某天 , 妹妹逛龍城 , 買了 KOSE 的 BIG Size Cleaning Oil 一試 . 一試我即轉用它 . 330 ml 一支大約賣 260 元 , ml 比 FANCL 多 , 價錢比它便宜 70 元 , 功效也是一次落清 , 之後亦用左成兩年 . 真的是很好用喔 ! 無香味 , 即係少一種化學成份啦 . 用完一支又一支都無皮膚敏感及起油脂粒 , 又係一下就落乾淨 , 所以用完一支又一支 .

今次去沖繩的赤嶺駅藥店遇到 KOSE 做七折 , YEN 差唔多一對十 , 3300 YEN 一支 , 七折後大約是 231 港元 , 每支再平 30 蚊 , 所以我就掃左四支 , 嘩哈哈 ! 

之前聽同事說 Shiseido 這一系列的清潔用品很好用 , 見佢個外型都幾討好 , 再加上是限定品送一小支洗臉膏 , 所以買來試下 . 很不錯呢 ! 比 KOSE 再平很多 ! 230 ml 才賣 90 多元 , 超喜歡它的香味 . 雖說無香料會比較天然 , 但它的萍果香 , 超清鮮 , 超討好 ! 我沒有在香港格過價 , 不知道在香港買多少錢 . 總之去開日本就買多幾支 Shiseido Cleaning Oil , 沒去日本 , 就看 KOSE 抵還是 Shiseido 抵 , 兩支都好用 ^^ !

有好長一段日子 , 我是 FANCL 的忠實 FANS , 由頭到腳都是 FANCL . 雖然好用 , 但印象 2 個月要用 3 支化妝水 , 計落有點貴 . 之後去韓國旅行 , 買左大量 Skinfood,  特別係好出名既青瓜系列補濕水 , 龍城賣 90 蚊一支 135 ml , 用完感覺同用 FANCL 差唔多 , 所以又 Keep 住用左成兩年幾 .
之前去大阪 , 見到這件 Shiseido 產品 , 可以當化妝水或帶出街當補水噴霧 , 超大支 440 ml , 沒特價也不用 50 元 . 有藍色及粉紅色 , 不知道有何分別 , 但因我喜歡粉紅色 , 所以就買了 . 回家即開來用下 , 都幾補水 . 因為平 , 所以用起來很狠 , 手腳也有用 , 用完再塗 Lotion , 秋天就無甩皮 . 冬天 ? 暫時未知 , 我皮膚超 Dry 啦 , 返 Shift 令皮膚老得好快 ... 
又平又大支 , 我會繼續買 , 好用又奈用 , 用完一支又一支都無心痛感覺 , 所以今次去沖繩 , 再買 2 支 . 唔知香港有無得買呢 ? 最重要夠平 !

Biore 產品無用過 , 對防曬產品 , 我亦不好 , 因為覺得 " 痴立立 " . 由於本身就唔係生得白淨 , 所以就由得佢 . 但女人就總係一時一樣 , 之前聽朋友講 Skinfood 既蕃茄防曬好用 , 一買就買左 2 支 , 因為做特價啦 , 但用左半支就唔想再用 , 因為真係好 " 痴立立 " 呀 !
朋友話 Biore 防曬幾好用 , 好水呀 , 試用過真係唔 " 立 " , 所以買黎試下 , 買了兩款 , 綠色好似好天然咁 , 所以就買啦 , 但聽朋友講用於手腳就 OK , 因為酒精好重 .

另一支係黃色 , 見到中文字 - 親子 , 小朋友都可以用 , 即係好溫和啦 . 開左黎用 , 都係好水 , 對於乾燥肌的我來說 , 最好了 , 用完唔會甩皮 . 但上網見到人地寫唔 Work , 一出汗就無效 , 好采我唔多出汗 , 所以無問題 . 兩支同一價錢 60 蚊 , 應該平吧 . 都係個句 , 我會再買 , 嘩哈哈 ! 平靚正 !

上網見 , 很多人推介 , 就買來一試 , 第一盒在赤嶺買的 140 幾蚊一盒 . 回酒店試用 , 暖暖的 , 用完對眼都幾舒服 . 之後路過平和通見到賣 90 幾蚊一盒呀 ... 所以再買 3 盒 , 除了無買原味 , 其餘買隻味都有買 . 個人喜歡洋金菊 . 一心打算下次去日本再買 ... 但最近在萬寧有發現到 , 計落跟日本買的差不多 . 簡唔中用一用 , 的確唔錯 , 最近多對電腦 , 對眼好攰 , 幾蚊買黎玩下都唔錯 .

很久很久以前 , 開始要化妝 , 其實一向無咩硏究 , 當時在屈臣士遇到 Fasio 這個牌子 , 覺得佢又平又好用 . 之後有用過 Channel , Shiseido 及 MJ , 我個人覺得 MJ 麻麻地 , 因為得佢一支用左會甩色 ... Fasio 用左無甩色 , 不過會難少少落妝 , 但用上面介紹過既 Cleaning Oil 係落到既 . 
依支新買既 , 未開黎用 , 不過相信唔會太差 , 遲些用完再補多句 . 

洗頭水在日本賣超平 ! 29 蚊 , 香港賣 58 蚊呀 ! 因為唔識日本 , 怕買錯 , 只買左一包 . 返到屋企對返用緊個支 Shiseido 洗頭水個名 , 係一模一樣 . 決定十一月再去沖繩 , 洗頭水必買 . 用左依支洗頭水幾個月 , 有幾個朋友都話我把頭髮令左 , 我就覺得滑左 . 我呀爸都話用完佢 D 頭髮都滑左 , 所以唔買唔得啦 , 哈哈 !

今次沖繩就係買左依堆 , 覺得幾好用 , 唔知大家又有無咩日本必買物品介紹呢 ? 假好有見到香港買得仲平 , 麻煩分享下 . 我好鐘意買平野架 ~
鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • Linda_Lee 於2014-03-10 09:21:03 留言
    引用自 '小地勤點滴' 的相片:

    回覆:我都有用牙呢一隻,香港都有得買,FULL洛暖笠笠
  • 舉報 回覆
  • No.1
  • 羊羊 於2014-03-10 09:56:46 留言
    嘻嘻,買平嘢好多女生都喜歡,我吾化裝架,但用了防矖一定要用落裝用品洗,你介紹kose Cleaning Oil 咁好用,等我都買來試試
  • 舉報 回覆
  • No.2
  • 小地勤點滴 於2014-03-11 06:56:23 留言
    原文由 Linda_Lee 於 2014-03-10 09:21:03 發表
    引用自 '小地勤點滴' 的相片:

    回覆:我都有用牙呢一隻,香港都有得買,FULL洛暖笠笠
    冬天用一流 ! 香港比日本還便宜 , 所以依加都在香港買了 , 哈哈 .
  • 舉報 回覆
  • No.4
  • 小地勤點滴 於2014-03-11 06:58:41 留言
    原文由 羊羊 於 2014-03-10 09:56:46 發表
    嘻嘻,買平嘢好多女生都喜歡,我吾化裝架,但用了防矖一定要用落裝用品洗,你介紹kose Cleaning Oil 咁好用,等我都買來試試
    我覺得眼妝係最難落乾淨 , 佢可以一次落左我個眼妝 , 而且又大大支 , 計落幾抵用 .
  • 舉報 回覆
  • No.5
  • 小地勤點滴 於2014-03-11 07:00:49 留言
    原文由 MR.MOON 於 2014-03-10 11:17:13 發表
    卸妝植村秀好用呀...
    我好多同事都話植村秀 OK , 不過我就未試過 , 等我都買支試下先 .
  • 舉報 回覆
  • No.6
  • MR.MOON 於2014-03-11 09:56:37 留言
    原文由 小地勤點滴 於 2014-03-11 07:00:49 發表
    我好多同事都話植村秀 OK , 不過我就未試過 , 等我都買支試下先 .
    價錢係貴...不過真係好乾淨...
  • 舉報 回覆
  • No.7
  • 小地勤點滴 於2014-03-11 12:04:48 留言
    原文由 MR.MOON 於 2014-03-11 09:56:37 發表
    價錢係貴...不過真係好乾淨...
    咁我等佢做特價時先買來試下 . 哈哈
  • 舉報 回覆
  • No.8
  • 林公子 於2014-04-21 21:20:23 留言
    我係日本都買好多液體野!所以超重2KG返黎XDD!
    好在空姐地勤靚女無出聲照比過!23KG->25.8KG都比上XD
    4月1號後得返20KG....了!
    我發現個間AEON對面間野開10AM 收11PM架,好鬼長時間!因為我試過一早一夜係個度買野
  • 舉報 回覆
  • No.9
  • 小地勤點滴 於2014-04-21 21:29:28 留言
    原文由 林公子 於 2014-04-21 21:20:23 發表
    我係日本都買好多液體野!所以超重2KG返黎XDD!
    好在空姐地勤靚女無出聲照比過!23KG->25.8KG都比上XD
    4月1號後得返20KG....了!
    我發現個間AEON對面間野開10AM 收11PM架,好鬼長時間!因為我試過一早一夜係個度買野
    依加國際通仲有 激安之殿堂 開足 24 小時 , 超正
  • 舉報 回覆
  • No.10

最多能輸入300字

累積瀏覽 495722

全部攻略 711

全部回應 4285