家有 3貓, 東東 (14歲), 菲菲 (3.5歲), ChaCha (2.5歲)
東東由手掌咁大 (約 2個月)帶佢返屋企, 成為家中成員, 至今已14年.
東東性格外向， 唔怕陌生人 - 有客到訪 必定招呼周到，你一個位, 我一個位， 排排坐，會叫大家唔洗客氣呀！ 當自己屋企得啦！ 佢又好鬼為食， 最鍾意食香口野， 我地買親麵包返屋企如果唔記得放好， 個包皮就一定比佢食晒， 不過佢會留番個包包比你嘅。 東東最憎梳毛／抹身， 一做清潔就投訴：「我咁靚， 你重攪我， 你信唔信我 咬你呀嗱!!!! 你你你你重黎， 抓你架」 .... 呀....
年紀大左無以前的活潑， 身體仍遂漸變瘦弱， 但她依然好精靈， 周屋行， 叫你餵食，換乾淨水飲，重有係例行晚晚都瞓係１號嘅心口一陣，佢自己先至去瞓。 這個星期東東特別貼人, 一瞓就瞓成個鐘...... 又食得比以前多.....。
點點滴滴在心頭。
於2009年1月18日早上榮休。
感謝 nicole廚房 提供以上資料
nicole廚房的網誌: http://nicole8e.blogspot.hk/
