這個忙碌的十二月

由仙蒂小溫太於 2013-12-20 10:59:22 發表 | 累積瀏覽 1310

分類：餐廳；地區：尖沙咀

這個忙碌的十二月

哈哈 ! 時間關係, 好耐無紀錄自己生活喇 ! 唔知點解每日都好似好多野做, 好忙咁, 有時一個下午出左去, 真係一來一回已經成日咁, 好難先有時間寫下卜, 呢個2013年就快結束喇 ! 今年真係係我人生值得回味既一年, 我年頭不知那來的勇氣離開好似母校般感覺既公司, 轉個頭去左新公司, 見識過學過, 學到好多人生又或者公司上要學既交際, 壓力 ! 的確令我成個人成長哂 ! 我樂天既性格相信明天會更好, 的確我老公又令我明天會更好地唔使DO一排 ! 轉個頭又走左去讀書, 哈哈 ! 下年可能讀長D~ 就係咁我呢個2013年就變得更豐盛 ! 亦都係身邊有最愛既老公同屋企人, 又有最窩心既好姐妹們分享一切 ! 這個2013算是活得不錯 ! 我還是期待明年會更好 ! 當然是身體好

黎緊既十二月尾, 由聽晚開始D Party排住隊, 你去我度, 我又去佢度, 哈哈哈 ! 好開心呀 !

等我由月頭開始睇返自己做過咩先

3 DECEMBER, 2013

話說好耐無見葆葆喇 ! 大家都係無業小C9, 當然要約埋一齊傾下計, 佢仲帶埋細囡浠浠一齊出黎, 實在好開心 ! 天氣開始涼涼地, 飲我最愛既cuppacinno 好靚既心心

浠浠好乖豬呀真係似足佢爸爸

時間尚早, 又無早餐叫, 又無LUNCH SET~ 叫左個意粉同PIZZA 開心SHARE~

我麻麻地D黑松露醬, 覺得好臭~ 哈哈

一傾傾左兩個鍾喇 ! 今次見完我地好快又見~ 哈哈

4 DECEMBER, 2013

就係逢星期三開始要上堂, 不過都係夜晚, 由今日開始, 一共十一個星期~ YEAH ! 唔知點解莫名其妙地緊張~ 哈哈 ! 好搞笑~ 一大早就去見醫生, 8點抽血,2點再見醫生, 7點上堂, 前前後後都係尖沙咀附近, 返屋企來來回回, 一整日 ! 好攞命~~~

晨早俾人吉左筒血, 去食個早餐做做血先~ 哈哈 ! 冬天我最愛就係TOFFEE NUT LATTE~ 到今日為止我都仲係飲緊呢隻味~ 實在太好飲~

以前日日對住D課室, 今日調返轉睇, 發覺人地D課室好似有系統好多, 哈哈哈 ! 幸好識到D同學仔, 佢地都好NICE~ 實在太好喇 !

知唔知我落堂最期待係咩 ? 講明先, 我係好俾心機上堂架~ 不過差唔多三個鍾既堂好快就過, 我鍾意個外籍MISS~ 好FUNNY~ 講返最期待呢~~~ 就係老公出黎接我放學, 順便去食飯~~ 專登等到我咁夜, 真係好抵鍚哈哈 ! 今晚我地去左Tequila Jack's , YEAH ! 有我最鍾意既mojito, 唔錯唔錯 ! 呢間都係老公好喜歡去既一間酒吧 ! 氣氛好好架~~

Tequila Jack's

尖沙咀漆咸道南33-35號友聯大廈地下7-8號舖

上完堂好肚餓喇~~~ 開動 !

6 DECEMBER, 2013

今日係Soey同桐桐第一次黎我屋企呀 ! 上次去接桐桐放學就走左, 今日Aunt Cindy當然要煮d好野俾你食啦 !

哇 ! 連soey都話佢好俾面呀 ! 食左好多麵麵呀 ! 乖女~

就係整呢款喇~ 泡菜忌廉豚肉意粉, 不過桐桐個款我走左泡菜~~ 好好味~

哈哈~ 放左學, 衫都未換就黎喇~~

雖然自己未有小朋友~ 已經向身邊既朋友請教喇~~ 哈哈哈 ! 教小朋友真係有好大學問呀 !

9 DECEMBER,2013

哈哈 ! 今日約左Stiffany一齊去按摩~ 真係好""梳乎"呀 ! 我地呢對組合出街, 老公們就好擔心架喇 ! 老公們係同事~ 哈哈哈 ! 今日我地除左去 "梳乎", 仲有去買餸架 ! 老公們係現實既, 去D 鋪頭買野, 就係whtapps通知對方我地班C9又出動去放血, 但我地去買街市買餸喇~ SEND哂相俾老公們呢~ 就無反應~ 真係~~~妖~~~~~ 哈哈哈

同Stiffany食個LUNCH先~ 譚仔is my favourite

桃花園~~

環境尚算唔錯呀 ! 真係按按下我都想訓~~

有埋茶~ 好好服務~

哈哈 ! 按腳爽YY呀~

呢間野好有泰式FEEL~ 好舒服呀 !

按完仲有甜品食~~埋單差不多90分鍾, $177~ 朋友有會員價我先做到咋~

轉個頭返屋企附近買餸~ 哈哈~ 最記得要返轉頭係街市門口影張相俾老公睇~ 點知無反應囉~~~ 哈哈 ! 咁就一日~ 完~

感謝仙蒂小溫太提供以上資料
個人日誌: http://cindylittlemrswan.blogspot.hk/

鐘意SeeWide的分享，給我們一個Like吧！