冬天最佳節目●浸溫泉《台山康橋溫泉酒店》
7-8 DECEMBER,2013
哇哈哈 ! 冬天咁凍,
令我地時時刻刻都想去浸下溫泉去玩下, 順便一家人出去開心下 ! 今次我地一行六人, 又係差BIGGER ! 哈哈哈 !
奶奶去左歐遊又無JOIN我地, 岩岩好~ 六個人玩得好開心 ! 今次我都已經早D報名, 點知達美美食之旅都係FULL哂, 唯有跟返上次個團,
今次個導遊好好多呀 ! 跟得好足, 人又好~ 已經好好架喇 ! 又係兩日一夜既開心之旅 ~ ENJOY~
![]()
上到車出發喇 ! 上車當然要繼續訓啦 !
訓訓下有個休息位, 大家可以落車去廁所同買下野, 黃爸爸就去買左幾粒菠蘿仔, 好細個架咋~ 好似拳頭咁上下~ 好甜好多汁~
岩岩訓醒仲記掛住D零食
![]()
大約十二點就到第一站既食飯地方喇 ! 味道都唔錯~ 好似有9-10個餸
呢度係出名黃鱔飯, 幾好味
![]()
就係呢間喇 ! 當然都係跟團先去到~
食飽就出發到第一站景點 <<雕樓群>>, 其實我都唔知係咩黎既, 好似好多舊樓, 我地行左轉就係度自娛~
小溫子話好似小樽運河喎~~ 妖~~ 差好遠囉~~
好舊~ 叫做有D舊既特色~
話說呢度係一代宗師拍攝場地,入場費好似要30蚊人仔~無咩人入~ 哈哈
我地係門口影相算~ 小溫子死都要我企前面影呀 ! 好衰呢~
仲未上得車, 我地行左入D走廊位~ 哈哈哈 ! 自娛下~ 大細佬一個大字
細細佬想向高難度挑戰 !
![]()
![]()
成功喇 !!!!! 哈哈哈~ 勁 !
但大細佬就....................
![]()
哈哈哈 ! 得啖笑, 呢張相真係笑一世~成個表情實在太自然 !
終於黎到康橋溫泉酒店
![]()
實在太開心喇 ! yeah ! 環境都唔錯呀 !
我地三間房~2301-2303~ 不過d房隔音好差, 基本上係聽到隔離房講野 !
哇 ! 好大呀 ! 同上次差好遠~ 哈哈
隔音差係間間房都有多度門通去隔離~
不過都好大好舒服呀 !
![]()
好開心~
下面有間藝術鋪頭, 可以影下相先
![]()
岩岩浸完溫泉無幾耐就食飯喇 ! 浸完個身好暖好舒服 !
![]()
呢餐係酒店入面食既, 味道都唔錯~ 最鍾意食呢個肉丸, 好好味 !
實在太開心呀 !
![]()
食飽飯當然休息一陣再去浸溫泉啦
! 呢間酒店最正係有得睇 <爸爸去那裡! > 嘩 ! 正呀 ! 我阿媽俾我引左去睇之後, 愛上左, 返香港要煲返哂 ! 哈哈 !
睇到咁上下要出發去浸喇 ! 夜晚環境氣氛都好好~ 而且無咁多人, 天氣超凍, 真係好爽呀 !文字解釋唔到, 自己去試下 ! 哈哈哈
酒店係有外賣宵夜架~ 不過要加20%, 我地打去個陣係話收10%, 最後我地決定出返去餐廳食, 點知都幾多人下~ 不過真係好凍~~~
去大陸要飲椰子汁
![]()
離不開炒麵同粥~
燒粟米好好味呀 ! 可能個燒汁正 !
每次浸溫泉都好好訓~ 訓醒要check out喇 ! 得黃爸媽有食早餐, 我地四個訓到唔想起~ 而且唔會餓~同周公玩多陣仲好~
四條K~~~
早呀~~~ 天氣好好呢~
大家交哂房卡就係大堂等上車
間酒店都幾大~ 我發呆中~~~
一場睇到影張大合照先, 唔該哂呀團友 !
![]()
黃爸黃媽
![]()
我同小溫子係後面入左鏡
![]()
YEAH ! BYEBYE~ 話咁又快又閃喇~
排隊上車~
哈哈哈 ! 去旅行必備
基本上上車坐一兩個鍾車, 就會食飯先 ~不過今餐真係麻麻地, 有D DIRTY~ 我地都唔係好敢食~ 哈哈哈 !
我都只係食肉丸ONLY~~ 其實都一般般~~ 就係咁 ! 我地決定返深圳夜晚食好野 ! YEAH ! 上次就飽得濟無食,今次我地終於可以去食喇 ! 哈哈哈
唔太好食都要影張相 ! HAHA
之後下一站玉湖風景區, 其實得個景睇下~ 無咩特別 ! 不過最特別係有人賣魚糧架~~咁就岩哂喇 ! 係度要HEA 30分鍾~
餵魚好開心呀 !
COME ON~~~~~魚~~~~
好多魚~ 仲要好大條~ 好靚呀 !
一家人瘋狂餵魚~ 好搞笑~ 好開心~
最後去左個賣陳皮既地方~ 有5蚊人仔一碗綠豆沙~ 都幾好味~
![]()
好多人買陳皮~ 之後就坐返好耐車返深圳喇 ! 實在太正喇~~ 全程係車訓~ 哈哈哈 !
返到深圳都已經六點喇 ! 又要轉的士去羅湖區, 好塞車, 搞搞下七點先到~巴團風其實幾年前我都成日介紹~ 真係好正架 ! 喜歡食辣既朋友仔一定要去試下呀 !
巴蜀風 (鳳凰店)
地址: 羅湖區委鳳凰路181號京基鳳凰印象B1樓7號商鋪
食辣野最愛加多寶, 老公同細佬就飲啤酒~
超好味既口水雞
蒜泥涼肉, 五柳魚, 涼粉, 每一道都好好味~ 基本上點親都好味~ 哈哈哈
最特別係呢款甜品啦~ 好似鍋爸咁既~ 外脆內軟~ 正 !
小溫子既最愛, 酸菜魚~~
仲有最美味既東北米~ YUMMY~ 成餐都只係$3XX人仔~ 好抵呀 ! 黃爸爸搞笑到話要組團下星期再黎食 ! 哈哈哈哈 ! 真係好正 ! 下次再黎先~
之後坐返的士去羅湖, 我地分開的士, 羅湖有兩邊落車, 真係一人一邊落左, 最後各自分開返香港LU~ 兩日一夜行程完結~ HAPPY~
大航假期 <康橋溫泉渡假酒店>
http://62844992.com/userfiles/file/2011/21603.pdf
感謝 仙蒂小溫太 提供以上資料
個人日誌: http://cindylittlemrswan.blogspot.hk/
