2013聖誕浪漫巨獻 ● 大棠紅葉遊
25 DECEMBER ,2013
今日聖誕點都要講句『聖誕快樂』
一到聖誕大家都有成堆節目 ! 小溫太都係~ 不過就咁岩25正日無野好做, 前一晚大細佬就約我地去睇紅葉, 反正未去過就好啦 !
一大早黃媽又話去, 到最後連我奶奶都去埋 ! 哈哈哈 ! 呢D郊遊活動一家大細都岩去啦 ! 晨早大家就好興奮咁出發喇 !
好早呀 ! 真係岩岩訓醒好腫呀 !
兩老襯~ 哈哈 ! 佢地用同一款手袋, 係我同老公係泰國買架~ 同一款, 不過布位唔同~ 哈哈哈 ! 好搞笑~ 一齊用 !
話咁快我地就坐車黎到元朗喇 ! 嘩~ 我真係好耐無入黎喇 ~ 話說我地呢加等緊大細佬 ! 佢遲大到 !!!!
所以大細佬做老細 ! YEAH ! 佢帶左我地去食好出名既台灣牛肉麵, 的確真係好多人排隊呀 ! 而且碗牛肉麵真係好正正正正呀 ! I MISS 牛肉麵 TOO MUCH 呀 !!!!!!
![]()
仲叫左個拼盤
男人既浪漫~ 碟頭飯 ! 哈哈哈哈 !
YEAH ! 食飽就準備出發喇 !
![]()
士林台灣麵
地址: 元朗西菁街9號富盛大廈地下
食飽就出發喇 ! 話說我地打算行返出去坐港鐵巴士K66, 點知係爆多人排隊 ! 時間關係我地分兩架的士上去, 的士廾我地到大棠生態酒家, 之後就自己落車行上去 !
呢度先叫岩岩開始咋 ! 繼續行 ! 咁多人陪, 就算辛苦都OK既 ! 聖誕真係好多人黎左呢邊~ 唔使驚唔識路呀 ! 跟人行實無問題
邊行邊吹水感覺快過D呀 ! 哈哈
終於行到行腳~ 哈哈 ! 勁多車~ 迫滿哂~ 走個陣就慘喇~ 我見成個停車場咁款~ 無得走~
指示牌話要行45分鍾就會到最靚既『楓香林』好快就到架喇 ! 行下行下好快過架咋~
呢條開始既樓梯 ! 真係好堅 ~ 行到想死~ 哈哈哈 !
大家都要抖呀 ! 好攰呀~~~~~~~~~~~~~~~~~~ 之後既路開始係平架喇 ! 黃爸黃媽不知那來既推動力, 佢地完全自己行住等我地~
行行下老公同大細佬要陪奶奶慢行, 我同馬姐就緊貼地追住黃爸媽呀 ! 哈哈 ! 見到幾棵紅葉既地方~~ 好靚呀 !!! 呢度只係開始~ 其實可以唔停留~ 但岩岩眼見到既, 點都會停低欣賞下~
呢邊影得唔靚~ 背光~
我同馬姐繼續向前行~
哇 ! 呢度開始靚呀 ! 親眼睇真係覺得好靚好靚好靚呀 ！
右邊係特別高左既~ 好多人影相~
哇~ 好熱鬧~
我地終於排到隊影張相喇 ! 此時老公奶奶同大細佬仲未出現架~
![]()
哇~ 當我地欣賞緊既時候~ 佢地就出現喇 !
![]()
好開心呀 ! 大家都到齊喇 !
咁辛苦行到上黎~ 當然要影張相先啦 !
![]()
同小溫子影張相先
影到咁上下, 繼續向前行~ 前面仲靚~
呢度好靚~ 要幫馬姐同大細佬影下靚相先~
超紅~~~好紅~~ 勁紅~~~紅葉呀 !
![]()
好興奮呀 ! 好靚呀 ~~ 估唔到香港有咁靚既地方~
紅黃橙咁既色, 好靚好浪漫呀~~
又同老公影下合照先~
大合照
![]()
雖然人多, 不過地方大, 所以點都會影到~
我地欣賞夠就落山喇 ! 因為呢度爆多人呀 ! 落山雖然快好多, 不過對腳好攰~~~~ 基本上呢個地方我覺得好值得黎既~ 因為真係好靚, 行上黎係辛苦d~ 不過大部份都係平路~ 已經好好行~~ 而且睇到靚景, 真係幾辛苦都值得呀 !
![]()
落到山腳坐返K66返元朗教育路個邊, 買元朗手信呀 !
落車第一時間黃爸爸帶路去買佢既至愛滷水鵝
同埋黃媽既最愛, 元朗恆香老婆餅
![]()
最後取消出去食, 因為買左滷水鵝, 黃爸親自落手煮米粉同白粥, 又煮d菜~ 簡簡單單咁一餐, 經已好好味喇 ! 人大左, 唔使食聖誕大餐~ 好滿足呀 !
![]()
祝各位都同我一樣有個開心幸福溫暖既聖誕節 !
![]()
感謝 仙蒂小溫太 提供以上資料
個人日誌: http://cindylittlemrswan.blogspot.hk/
大棠紅葉 全攻略
上水古洞
梅關古道
G-fit
余佐川(南韓)
長福山(南韓)
慶和站櫻花路(南韓)
富田農場 - 北海道富良野