小溫家の處女座盛宴
23 DECEMBER,2013
HEY~
每年一度既處女座聚首一堂既盛宴呀 ! 其實無咩盛宴, 得個名架咋 ! 都係我自己煮既小食~ 哈哈哈 !
最難得既係今年有多位小小處女座小朋友加入呀 ! 我同佢阿媽同一日生日, 囡囡豬又差我地幾日~ 哈哈哈 ! 我老公一聽到我地成班處女座,
即刻個背脊涼一涼~ 佢好驚喎 ! 哈哈哈 ! 真係好好笑 ! 低能既~ 我地成班不知幾整潔~ 又有義氣 ! 哈哈哈 ! 其實佢地都係我既舊同事,
不過已經升華去到好朋友架喇 ! 所以佢地成日都黎我屋企打搞我~ 哈哈哈 !
佢地已經一早ORDER要食既野喇~ 準備個下先發現, 樣樣都要早D準備既~ 好多都要醃~ 不過佢地大讚樣樣都好好味, 我就開心喇 !
![]()
因為呢幾道都係我拿手菜~ 雖然好耐無煮, 好彩都仲好味~ 哈哈哈 !
今日試新野, 梁九記厚切牛扒, 煎完再去焗先岩岩好 ! 配埋D菇菇好好味~
當然唔少得煙三文魚沙律菜, 土匪雞翼, 泰式酸辣札肉鳳爪, 白汁雞肉長通粉 ! 樣樣都好好味 ! 都不得不讚下自己 ! 哈哈哈 ~~
咁開心當然要開白酒啦 !
前幾日係LOG ON買左一SET6隻既膠杯~ 好靚 ! 開PARTY好岩好~ 不過係好輕~
仲有好有聖誕氣氛既紙碟呀 ! 好開心呀 !
介紹下D抵野先~
左邊呢支係我至愛, 可惜我仲學緊飲, 我好易醉 ! 重點係呢支好岩女仔飲, 果味重D, 黃色算係甜甜地, 仲有支橙色既, 係Aeon
store買$49.9, 好抵呀 !!!! 每次見到都會買定幾支放係屋企~~~ 右邊個支老公d私貨~ 我都唔知係邊買, 岩男人飲, 好dry~
Yeah ! 齊人影張合照先~~~ 好開心見到你地~~ I MISS U ALL ~~
親愛的玉琪~~~~今日帶埋囡囡豬出黎~ 實在太開心喇 !
哈哈~ 我買左份禮物送俾穎穎呀 ! HEEHEE~好開心, 可以自己乖乖地玩~~ 我飲到醉醉地~ 呵呵
乖女~
![]()
我既奸夫係小朋友都鍾意~ 哈哈哈 ! 大爺尋日黎仲話叫火箭, 我老公教穎穎叫佢做火箭, 哈哈 ! 實在太cute~
差唔多我地就抽獎喇 ! 今年有份好爆既禮物 ! 好彩唔係我抽中~ 哈哈哈哈哈 ! 我抽中無咁好笑~~
好開心呀 ! 我地要每年都抽禮物 ! 哈哈~ 老公抽中左我~~
![]()
最爆既禮物出現喇 ! 係一袋米 !!!!!! 哈哈哈哈 ! 因為我地想搞笑, 今年玩$50, 但又要好實用既~~~ 實係好抵死架~~~~ 哈哈哈! 玉琪抽中烏雞白鳳丸個盒入面d消毒濕紙巾~ 笑死~~~
最後我整左甜品呀 ! 又係佢地order既~不過今次唔知點解無咁脆~ 太耐無整~ 哈哈哈 !
聖誕快樂呀 ! 穎穎~ 陰公, 穎穎好眼訓, 係咁係度講, 囡囡好眼訓~ 好得意呀 !
![]()
Byebye喇~ 下次再見~
![]()
![]()
感謝 仙蒂小溫太 提供以上資料
個人日誌: http://cindylittlemrswan.blogspot.hk/
