梁九記の《第二、三回》
反正大約一個月我同朋友仔
Stiffany就會出發去一次敗D好既食材返屋企架喇 ! 我見我第一次去梁九記既卜一直係閱讀次數最高既一篇, 我相信大家都係好喜歡去買好野,
整好野食既~ 同我一樣 ! 咁我就為大家介紹下我所買過既, 大部份都已經食哂, 而小溫太我今日都去左第四回, 不過未整好D相,
就睇返二、三回先啦 !
《梁九記》係好多C9心目中既首選, 原因都係價錢好吸引, 而且食材質數好 ! 最好得閒加D新食材, 繼續保持更好既質數就太好喇 ! 不過小溫太去既當日都仲係人生人海呀~ 好迫好迫~~
今次都仲係一個人去~~ 不過就單拖拎咁多, 仲要未買車仔, 真係拎傷左~ 好抵死~ 不過都值得既 !
要介紹下呢款高筋麵粉, 姐係整麵包/Pizza都岩用既, 我係aeon store買過, 係貴一半~ 好抵買 ! 我之前做過pizza都好正~ 脆餅底~
(左上) 呢加已經用緊呢款食盬, 好幼~ 幾好用~
(右上) 黑椒汁必買, 因為我都經常係其他超市買, 而且貴d
(左下) 香草腸, 好好味 ! 我試過整意粉, 又或者就咁用焗爐焗/煎, 都好香好好味~
(右下) 俾錢個陣個姐姐介紹既美國午餐肉, 仲未得閒食, 不過有朋友食過話唔錯 !
(左上) 好靚既腩肉, 打算用黎做日式/滷水腩肉, 應該好正 !
(右上) 黑豚豬扒, 肉質好好, 好多汁架~ 我試過用香草醃去BBQ, 超正 !
(左下) 煙鴨胸, 原來我屋企樓下街市都有得買, 都係$9, 好抵 ! 用黎煎封兩面再放入焗爐燒熟, D油出哂黎, 仲好香好好味~
(右下) 牛扒真係好正 ! 貴D既就係肉眼, around $60以上, 平d既有西冷 around $30左右, 兩者都好味既~ 要視乎想食淋身D(前者)定肉味重(後者), 我每次都有買兩款, 同樣都好味 !
帝皇蟹真係必買 ! 價錢唔貴, around $100以上, 視乎大細隻啦 ! 溶雪後用牛油去煎, 好正 !
嘩 ! 人多到呢~~~~ 去咁多次, 次次都係咁~勁 !
梁九記の《第三回》
今次同朋友仔一齊出動, 仲要帶埋車仔~ 準備充足呀 ! 兩個人買到架車滿左~ 哈哈哈~
去左朋友屋企放低D先~今次真係敗得好金呀~~~好大滿足~~
無錯 ! 又係牛扒~ 每次必買 ! 放定一兩塊係屋企, 有朋友上黎都可以加餸~
終於買到芝士火鍋喇 ! 不過好失敗 ! 最好就係有返個盤用~ 哈哈 ! 遲下講點解~
(左上) 一口牛
(右上) 札肉都係必買 $18, 好好味 !
(左下) 春雞細細隻, 仲未得閒試
(右下) 第一次買既無骨梅頭豬扒, 呢款好正 ! 煎又得~會再買 !
(左上) 台灣腸~~正 !
(右上) 帶子, 溶左煎一煎就食得~~
(左下) 螺頭, 用黎煲湯超甜呀 !
(右下) 咁大包先$35. 好抵 ! 聖誕用左黎白酒煮~ 屋企人大讚好好味 ! 哈哈 ! 又抵又好睇~
一再買既帝皇蟹腳 ! 今次買重少少, $125
乾貨既叔叔介紹我買呢款米形通粉, 未食~ 試左再介紹 !
基本上我都好喜歡去梁九記買野, 重點係有朋友仔陪我 ! 唔使一個人咁悶咁辛苦 ! 哈哈 !
感謝 仙蒂小溫太 提供以上資料
個人日誌: http://cindylittlemrswan.blogspot.hk/
