● 2014 ● 馬年行大運の準備篇
小溫太恭祝大家
恭喜發財、身體健康、福星高照、心想事成、馬年馬上行好運
恭喜 恭喜
一黎就馬上拜個年先啦 ! 哈哈
! 最緊要日日笑口常開, 咁就日日有好事發生啦 ! 今個新年好似黎得好快, 日日都忙到唔記得自己做過咩 ! 哈哈哈 !
我記得一月頭已經開始買定新年佈置用品, 一月中就去買齊送禮年盒, 唱定錢, 一月尾就去買年花 , 今年最叻都係整到馬碲糕 ! 學完自己再整,
送俾屋企人 , 大家都話好味~ 我就好開心喇 !
年廿八清潔好屋企就掛定飾物喇 ! 今年D佈置好靚呀 ! 好多都係粉紅色~ 哈哈 ! 兩隻小醒獅係細佬買俾我架~ 好得意~ 可以掛起又可以俾小朋友玩~
掛滿新年祝福語, 我揀左最岩我地心水既祝福語
![]()
今年溫生一早約定我出去買年花, 驚遲買好多人, 不過花墟都真係幾多人架喇 ! 呢盤蘭花真係超抵買 ! 真係俾我講價講平左一半, 哈哈~ 因為係sample~ 好開心~
![]()
雖然得兩支, 但係都好多花
仲有買左牡丹花喇 ! 好難得先搵到一間有 ! 雖然好貴, 但開左真係好靚~
飯檯擺滿哂野~ 哈哈哈 !
仲有富貴子同埋跳舞蘭 ~ 又紅又黃好靚~
原來之前我買左LC湯壺係紅色既~ 好岩新年用~ 用黎放瓜子
![]()
YEAH ! 全盒常滿 !
好岩用~ 哈哈 !
仲有好大大大粒既車厘子呀 ! 又甜又大粒 !
年三十最後發力整多四底馬碲糕就收爐~
![]()
今次呢四底我改良左少少, 再好食D~
我阿叔知我想食車厘子, 專登去果欄買俾我食~ 仲送上屋企, 我真係好感動呀 !
![]()
大大粒又甜~ 多謝阿叔~
新年唔少得就係包利是~ 今年有買少少利是啦~ 哈哈 ! 都有朋友送利是封俾我~ 下年唔使買~ 好多貨~ 哈哈哈 !
一早同朋友去左SOGO入貨, 買夠$600以上可以送貨, 太開心喇 ! 唔使自己拎, 呢款餅乾好好味架~ 我買到佢送左四盒gift俾我, 哈哈哈~ 又送埋花球仔, 唔使包~ 抵哂~
![]()
之後年初一至四~ 好似好忙, 但我記得我有訓到下午覺~ 呢個禮拜直落都有朋友黎拜年~ 我今晚都要出席老公同事拜年團~ 有時間再寫卜~ 我仲記得欠緊位卜友華欣遊記~ 等我~ 哈哈 ! 我執好哂DAY2既相, 不過未寫 ! 哈哈哈 !
感謝 仙蒂小溫太 提供以上資料
個人日誌: http://cindylittlemrswan.blogspot.hk/
