2013 Hua Hin Bangkok 5D4N Trip ● 華欣曼谷 Day 4
《 Holiday Inn Express Bangkok Siam Hotel、水門海南雞(青綠)、BIG C、SWENSENS、紅豬地道湯麵、Red SKY》
30 SEP, 2013
不經不覺黎到第四日喇 ! 要離開華欣出返曼谷玩返一晚喇~ 曼谷我覺得好悶, 來來去去都係咁上下 ! 今次專誠搵D未去過既地方行下~
之前book 車係round trip既~ 司機好准時到達酒店~ 今次好好彩, 司機英文算唔錯~ 起碼溝通到, 不過塞車, 前前後後都係三個鍾先返到曼谷, 10:00am係華欣出發13:00pm到曼谷~
終於黎到喇 !
今次我地入住係位於National Stadium BTS站既 Holiday Inn Express Bangkok Siam Hotel,
首先地點算方便, 坐BTS要係Siam再轉一個站, BTS出口一出行5分鍾就到, 因為係正Siam/Central wold個d站特別貴,
住過既又唔想再住~ 重點係華欣三晚貴左, 曼谷一晚我會揀平少少~ 哈哈 ! 不過我就唔係太建議住呢間, 我覺得真係好一般 ! 好彩住一晚咋 !
LOBBY好細小, 其實係一間商務酒店 ! 服務就一般架喇 !
房間尚算唔錯 ! 空間都夠既~ 好簡潔~
最好自己帶洗頭水 / 護髮素 , 因為呢度係沖涼洗頭同一支~商務酒店係咁上下~
景觀唔錯呀 !
CHECK好房閃喇~ 出發去食LUNCH先~
真係近近地, 打算坐的士,
真係咁, 坐坐下就45分鍾, 唉 ! 好灰 ! 早知坐BTS~ 我地係想去食海南雞~ 百吃不厭 ! 哈哈 ! 不過去到粉紅雞已經休息~
唯有去食青綠雞~ 其實都幾好味 ! 我記得我以前有食過架~ 今次叫半隻雞+2碗飯+串燒 = 超飽 ! 下次叫1/4隻都夠喇 ! 兩個人太多喇~
青綠海南雞, 係粉紅雞附近~ 門口有串燒賣~
其實最正係D汁~ 夠辣 ! 正呀 !
原來我有影招牌 ! 哈哈 !
食飽無咩地方想去~就行下水門街~ 打算買返D泰TEE呀 ! 溫生係泰TEE FANS
OH~ 好OLD SCHOOL~ 其實水門街無咩好行, 都幾污衊~ 只係得女仔唔太建議去~ 入面橫街窄巷~ 有個男人係旁邊都可以行下既~ 不過應該買唔到野 ! 哈哈哈
好喇 ! 食飽飽行下BIG C散步 ! 已經唔知有咩好買 ! 哈哈哈~ 係屋企人ORDER買既先買~ 因為九龍城都有齊要食既~
行完去左SWENSENS食雪糕 ! 雪糕都係必吃既~ 我記得有個雪糕火鍋都幾好味架~ 我記得我地兩個係好飽, 食既雪糕/雪笆都係要酸既~ 哈哈哈 !
行返去坐BTS返酒店先~ 大塞車的馬路
酒店外貌~
返酒店休息完出發去食晚餐~
哈哈~ 都係得食~同埋食~ 我地去左CENTRAL WORLD 6/F搵一間門口有紅豬的店食湯麵, 我係睇鬼嫁卜介紹既~ 其實呢度出名既香草湯底
! 湯底出來好濃既啡黑色~ 而且味道係非常濃同埋好似 (LUNG LUNG )地既味~ 好怪~ 其實係我地接受唔到個味~哈哈哈 !
就係(左上圖) 香草湯底豬肉白色金邊粉, 而我(右上圖)呢碗清清地我最岩食清湯豬肉白色金邊粉 ! 哈哈 ! (左下圖) 冬陰公湯, 好好味 ! 好夠酸同辣 !
最正係呢道白灼豬雜配特製辣汁 ! 好鮮好好味 !
見到呢隻豬就岩架喇 ! 麥檔奴 / Pepper Lunch 附近 !
食飽又行陣central world~ 跟住我地去左曼谷最值得去同埋會覺得凍既地方之一~ 就係RED SKY喇 ! Red SKY位於 Central World 入面既 Centara Grand Hotel 55樓, 沿途問人就識點去~
嘩 ! 個天真係大~ 係香港好少咁開揚 ! 好舒服呀 !
hee~ 我地一人一杯先~~~ 上面係好凍架~~~ 我飲住杯凍野真係寒~ 哈哈哈 ! 不過環境好舒服好relax~ 又好浪漫~ 岩哂拍拖黎呀 !
飲杯~ 酒價都唔算貴 ! 老公個杯紅酒~ 而我就係red river~酸酸甜甜無酒精既~
個A字會不停變色架~
越夜越多人~ 呢個地方真係好呀 ! 不過我知有得食飯既, 食飯既價錢都唔平架~ 同老公談完心又食夠寒風要閃喇~~ 好凍呀 !
坐BTS返酒店~ 一出BTS竟然有香蕉PANCAKE~ (心)(心)
![]()
~
老公見到即刻買左份~ 味道好好 ! 正 ! 呢日太滿足喇~
![]()
● 快速回顧遊記 ●
