《相識三千天》配失敗的芝士火鍋
30 DEC,2013
俾我寫埋個2013先, 哈哈 !
因為2013年12月30日係我同小溫子相識3000天既日子, 雖然好小事, 不過我都有留意到~ 哈哈 ! 今日唔出街食啦 !
打算係屋企自己整~~ 簡單D~ 今日玩從未試過既芝士火鍋 ! 哈哈哈 ! 不過我要講明先, 我係失敗左架~~ 點解 ?
咪就係我買左梁九記既芝士火鍋~~ 有卜友Facebook inbox問我~ 我已經拿拿聲話佢知呀 ! 廢時好似我咁~~哈哈 ! 不過算啦~~
之後我整過兩次, 十分成功 ! 哈哈~ 遲下再分享成功既芝士火鍋~~
um... 講樣我都好有心機整架 ! 真係臨尾香好唔抵~~ 哈哈 ! 好彩小溫子無乍形, 因為我真係好有心機去整架~~~ 點知原料又或者我做錯方法啦 ! 不過睇返d相都幾開心~ 哈哈 !
哈哈 ! 我結婚個陣我朋友買左個LC朱古力火鍋俾我, 個時我仲未中毒, 所以無用過, 今次先第一次用~ 哈哈 ! 不過上面個鍋我就用梁九記個小鍋仔, 又OK夠用啵~ 之後個兩次我都用返呢個小鍋 !
今日又敗左兩隻碟 ! 哈哈哈 !
今日行UNY見到新野~ 又試下味先~ 都幾好飲~
焗完, 溶左, 好快又硬返, 再叮, 都係成夠膠咁痴實~
火雞肉火腿~~
HAM~
最喜歡食既新薯
![]()
一定唔少得既法包
仲有車打芝士腸同埋蘑菇
![]()
不經不覺我地已然相識三千天喇 !
![]()
要繼續咁開心幸福 !
好喇 ! 雖然失敗左, 其實做法就無咩點錯既~ 首先要買配料 ! 來來去去都係飽肚同埋肉同菜類 ! 有齊就得架喇 ! 哈哈 ! 我就買左《法包、白蘑菇、新薯、車打芝士腸、火雞肉火腿、蜜糖火腿》
除左火雞肉火腿、蜜糖火腿同法包無烚過, 白蘑菇、新薯、車打芝士腸都烚一烚先食~
入焗爐焗~ 其實正確方法係買一包芝士火鍋用既芝士, 然後落鍋度煮, 煮溶後加白酒, 再加牛奶/淡忌廉, 咁就食得架喇 ! 哈哈 ! 其實我仲有盒梁九記芝士, 搵日試下煮先~~~可以煮得呢~~~~哈哈哈 !
![]()
感謝 仙蒂小溫太 提供以上資料
個人日誌: http://cindylittlemrswan.blogspot.hk/
成日諗住出去試下但我都冇諗過自己屋企整下
