很喜歡吃海鮮，但從未煮過蟹，去年在新加坡吃了黑胡椒及白胡椒蟹，一食難忘，雖然我在新加坡學了煮黑胡椒蟹，不過一次都未煮過。
上星期終於有時間了，不過我煮了個簡單又好食的白胡椒蟹
材料：
白胡椒
薑
蒜蓉
洋蔥
蔥
肉蟹一隻
麻油
紹興酒 1湯匙
水 150ml
過程：
如果沒有買廚師機，我會用 LC 去盅，不過買了就要用，也要給吳生看看他買給我的工具是何等好用何等重要，以後我買什麼回家都不會再被人話：”又買”？！
在雜貨店買了一包白胡椒，用食物處理去打，我記得外面吃的都有一粒粒的胡椒，所以我打到有些是粉，有些仍是一粒粒的。
蒜蓉 – 最初時我是用刀切，後來在 city super 買了個壓蒜蓉器，好方便。
雪柜有個洋蔥，正好用來抄蟹，把洋慕切粒
再切幾塊薑
買了一隻肉蟹，差不多一斤重，我唔敢劏蟹，買完蟹就九秒九去坐車返家，返家用清水再清洗
先燒熱鑊，要好熱好熱,，我再落麻油
跟住落薑爆香、蒜蓉、洋蔥及蔥炒一會就加四份三白胡椒 (約分半點)
跟住落蟹炒到蟹轉色，就落紹興酒再炒，跟住再落餘下的白胡椒及水
轉小火焗10分鐘
好香… 真係好香。其實隻蟹是好食的，但食過新加坡無招牌的就真的無得比，無招牌食落去你會感覺白胡椒同隻蟹係好分明的味道，現在不是不好食，唔識講欠了什麼？吳生聽完我的食後感就笑笑口同我謂：其實煮得好好食，有 94分。不過最緊要隻蟹新鮮，咁點煮都會好食。但呢隻蟹太細，唔夠食囉，下次應該買大些，又或者買兩隻。如果你煮到無招牌既味道，你仲坐係度？？你去左開店啦~~~ 真激死！
感謝Florence提供以上資料
Florence的網誌 http://florencewing.blogspot.hk
