車輋好鍾意食蛋撻，次次返香港都食好多，早排佢已經問我幾時整。
早幾日有個早上好得閒，於是決定整嚟氹佢開心。反正我個冰箱大部份時間都會有曲奇皮存貨，方便隨時整撻。
解凍了其中一份，色澤俾曲奇皮淡色，我都唔係好記得係乜嘢皮，不過乜皮都一樣食得啫，照做可也。
將皮壓平高過模邊約5mm，然後放回冰格，預備蛋液。
先用150g水煮熔55g糖，放涼後和蛋液(112g蛋加35g奶）混合，然後過幾次籂。
我預咗車輋lunch回來會忍唔住食，所以沒有特別煮佢
鍾意食嘅lunch, 係咁二分少少我哋嘅午餐俾佢。佢一入門口，未入廚房就話＂冇嘢啱我＂（佢好多時都會用氣味來估我煮咗乜嘢）。我話你睇清楚D先啦！佢見到8個靚蛋撻喺枱好開心。不過要食就先要食咗佢話唔啱佢嘅午餐先。雖然唔願意，不過為咗蛋撻都要頂硬上。
最後，佢lunch食咗兩個半蛋撻, 四點放學回來再食多兩個！8個蛋撻，佢食咗四個半，我食咗兩個半，Marco食咗一個。本來Marco話唔食，留俾車輋，不過我哋叫佢分甘同味。
今次的蛋撻好成功，車輋話好似香港買嗰D！我自己都有驚喜：個皮應該係我之前整落嘅酥皮，好鬆脆！
雖然唔係第一次整蛋撻，不過今次都有新領悟。唔知係咪因為有預熱焗爐的關係，今次皮和蛋中間沒有出現濕咗一層的情況。（以前冇預熱，因我怕撻邊快燶）本來中間有蛋未熟的情況，不過今次我冇再多焗幾分鐘，只是留在焗爐用餘溫令到凝固，又得咗。
![]()
感謝 Grace 提供以上資料
Grace的網誌 http://heartsoupkitchen.blogspot.hk/
