早前到旺角發現了一間新開的鋪頭''*
裝潢十分搶眼, 晚上經過的時候, 離遠已經見到啦!!
因為鋪頭出面裝哂搶眼的黃色燈, 加上日式的紅色燈籠~
哩間就係第三間分店的【大門橫丁】
地址: 旺角山東街76號 (麥花臣球場隔離)
我去的時間是星期6 晚上大約9時多''*
去到唔太多人等位, 不過我地都要等4張2人台!!!
等位的時間非常快...唔算等左好耐, 大約15分鐘左右~ 都可以接受!!
入面d 位置有少少迫''* 張台唔大, 係岩岩好可以擺2個烏冬加1,2碟小食~
我Order左【大門溏心手打烏冬】係蕃茄濃湯湯底黎架!!
![]( "IMG_0676")
入面有叉燒 & 豬軟骨!! 蕃茄濃湯味道好正, 少少酸酸的, 味道似羅宋湯咁!!!
最正當然係溏心蛋, 最鐘意食架我...!!! 烏冬好彈牙, 唔錯啊~
![]( "IMG_0675")
另外仲Order左個炸蠔, 送到黎個時仲係熱辣辣架~
我急不及待咁想食佢地, 一擺入口就辣親啦, 可見我太為食啦!!!
因為蠔係我最鐘意食既食物之一, 佢哩個炸蠔夠熱又夠香口~
脆卜卜咁好好味, 細細隻可以一啖擺哂入口~
真係Yummy 啊''*
價錢都唔貴, 我地Order 左2個烏冬, 同埋3個小食''*
埋單唔駛300蚊!!! 可以再Encore 呢!!!
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥
另外要介紹的就是將軍澳坑口安寧花園的小型食店''*
【捌拾胡同風味烤串店】
地址: 坑口安寧花園第二座地下22號鋪 (坑口站A 出口轉左)
入面地方很細, 只有幾張台, 所以要食的話盲要訂的位同埋早D黎到啦~
佢地下午係唔開架平日, 星期6,日就有做午市! (冇記錯的話)
因為男朋友係住安寧花園的關係, 我地知道佢地晚市係好多人''*
我地又懶得等位, 所以就叫左外賣啦!!!
大約等左1個鐘左右佢地就送到黎啦~ 5個外賣盒''* 哈哈
![]( "page")
♥ 胡同三色雞中亦 (土匪 / 蜜糖 / 南乳) - 南乳雞亦第1次食, 味道唔錯WOR''* 燒得有少少燶, 好有風味~
♥ 烤蠔 - 送到黎凍左少少, 味道一般!
♥ 川燒內蒙羊架 (少辣) ~ 少辣都好辣架, 一D 都冇"騷"味!!!
♥ 捌拾胡同特製蝦子撈麵 ~ 好鐘意食哩個撈麵, 佢地特製既醬真係好好味~~
當然唔少得主打既串燒啦!!
![]( "IMG_0691")
♥ 烤墨魚咀
♥ 鹽燒牛柳粒
♥ 鹽燒牛脷
♥ 烤玻璃豬
♥ 鹽燒雞腎
由於送到上黎都有少少凍左, 所以我都係prefer 大家堂食會好d啊!!
熱辣辣食緊係好味D 啦~!!!
除左凍左少少之外, D 串燒味道都唔錯!!
燒既手勢都OK, 唔會燒到好燶~
真係可以推介比大家, 有興趣既可以去試下架~
♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥
某天的生日飯中, 男朋友買左支【金箔香檳】返黎一齊飲!!
![]( "IMG_0677")
係樽底係有金箔架, 好似好名貴咁!!!
佢D 金箔係 22K 架~
![]( "IMG_0683")
要上下搖勻先好倒出黎架~
咁樣就杯杯都可以倒出金箔啦~!!
哩支香檳入口都可以既, 重酒精味~ (其實真正既香檳係冇味架)
有成11度酒精左右架~ 所以唔係好飲得既就要適可宜止啦''*
喜慶節日飲佢都唔錯架~
今次同大家介紹美食完畢, 下次再去尋找好野食啦!!! =]
♥~個人分享~♥
