探險家攻略 > 運動 / 購物 / 旅遊 > 水上活動 / 其他 / 長線旅遊 > ♥♥ 嘉美移動草菇 ♥♥ の沙巴遊 Day 3

♥♥ 嘉美移動草菇 ♥♥ の沙巴遊 Day 3

由 Kami 於 2011-08-04 13:19:11 發表 | 累積瀏覽 541

分類：水上活動其他長線旅遊；地區：沙巴

前文回顧:
♥♥ 嘉美移動草菇 ♥♥ の沙巴遊 Day 1
♥♥ 嘉美移動草菇 ♥♥ の沙巴遊 Day 2

第三天

我地PLAN 左雙島遊啊!!!

晨咁早7點幾就起身係Hotel 度食Buffet Breakfast''*
食完之後就等完美假期既導遊黎接我地~
等齊哂人之後就坐車去The Magellan Sutera hotel 個碼頭度坐"大飛"出島!!!
我地個團有成廿幾人架, 去到碼頭仲要等埋其他酒店既團友~

趁有時間梗係係個碼頭度睇下相啦''*
睇下個碼頭加埋藍天白雲幾咁靚~

不過係我地出發個時冇咩太陽啊~~~

跟住就坐船出去LU, 第1個島就係去沙比島啦~~~
一架船坐14個人架!!!! 今次坐真係好好玩, 因為海面都幾大浪下!!
感覺好似玩緊海盜船咁, 好HIGH 呀!!! 哈哈

10分鐘左右, 就去到沙比島(SAPI)

個度著名既就係有好多唔同種類既水上活動玩''*
如果唔鐘意玩都唔緊要, 可以係沙灘曬太陽或者浮潛睇下魚同珊瑚啦~

我地就揀左海底漫步 (RM250) 同埋FLYFISH (RM70)
我的肥仔同另一個朋仔就揀左深海潛水 (RM250)

看看我的肥仔準備去深潛既樣子....好有型啊!!! (希望大家唔好嘔)

之後我地就分開玩嚕, 佢大約要玩個半鐘, 可以潛到10M左右深架!!!
咁我就同幾個唔識游水既朋友& 佢地既男朋友去海底漫步LA''*

首先搭幾分維既船去附近既人造海底漫步地方''*
帶住個頭盔就可以落水底架啦~~
(不過D氣壓好勁, 一定要申隻手入去禁住個鼻減壓)

睇下我個傻仔樣, 佢地有潛水員幫我地影的~
但係佢地都係用連拍黎影, 張張都係一樣樣的啊!!!

其實哩個活動真係幾搵笨架, 但係為左陪朋友仔去玩~
落到去只係行左5,6步左右就行返轉頭, 跟住就上返水啦...!!
RM250 即係600蚊港紙左右真係好貴呀~~~

玩完之後就係沙灘度浮潛一下!!!
仲發生左個小小小插曲添呀, 就係我個朋友仔比D魚咬~
即係流哂血tim呀!!! 不過沙巴d 魚真係好惡架, 真係好似冇野食咁~
一企係度d 魚就會密謀咬你架啦~~~(其實係細魚黎架咋)
可能係因為個度唔比人喂魚, 攪到佢地咁''*

玩左陣我的肥仔都玩完深潛返來啦~~~
睇下佢地落到去水底既魚魚相啦!!!

睇下d水幾清又睇到幾多魚魚~仲有海蛇tim呀~~~
我隻肥仔仲話佢都有比d小丑魚咬呢!!!

還有我的肥仔漕水時好似好pro 的樣子呀~
我好後悔冇同佢一齊玩呀!! RM250 真係抵丫~

深潛完仲有張証書架''*

等佢地玩完之後就一齊坐船出海玩FLYFISH啦~~
咩係FLYFISH?? 就係佢啦....

玩法其實都係同香蕉船差唔多, 不過佢係得2個位架咋!!
話明係FLYFISH, 當然會飛起啦~~~其實係差唔多90度角咁飛起呀~!!!
玩個時真係好用力架, 不過好好玩!!!!

我同肥仔仲玩左另一個玩法TIM~~
就係訓係船中間....哩個真係玩到可能去到90度角架~~~

玩完之後就返去食LUNCH啦~~
都係D BBQ野食, 味道真係麻麻地啊!! 不過冇辦法啦~~

食完之後就準備去第2個島玩啦'"*
食飽飽就叫左肥仔影相, 佢特登收起左個肚腩啊!!!!

坐大約10分鐘既船程, 就去到馬慕迪島啦!!!

上到沙灘都係浮潛啊.....=]
睇下有幾多唔同種類既珊瑚, 不過個樣唔多靚啊~~

玩左陣浮潛之後, 沖沖身, HEA一陣就要返酒店嚕''*

不過我地同個司機講話我地唔想返酒店, 佢就車左去我地想去既CENTRE POINT~
去到CENTRE POINT既第1個感覺係....好似屯門廣場咁既FEEL''*
因為唔係D咩商場, 只係D 大型少少既屋村商場咁!!!
之但係佢地都有好多大牌子既鋪頭啊~~

我隻肥仔就係NIKE 度買左件TEE 呢''*
哩件TEE 既質地好柔軟架, 好舒服架, 質料真係好好!!!
相信一定唔係MADE IN CHINA LA~~~

我地跟住仲去左SUPER MARKET度掃野食'*
同埋買左D野食做手信啊!!!

哩D 就係我地既收獲啦~~~

買完野就去左沙巴既KFC 食野呀, 上次去CEBU 我地都有食當地既KFC~哈哈!!

哩個餐係HK 冇架....哈哈!!! 味道都唔錯呢!!!

食飽飽就搭TAXI 返HOTEL 啦~~因為夜晚仲有活動呀!!!
沖完涼, 休息一陣, 8點就落左大堂等個導遊就接我地去Shopping+宵夜美食遊''*
(JOIN 2個Day Tour 就免費架啦哩個, 就咁join都要RM20架)

不過我地等左差唔多1個鐘左右佢地架車先到~
之後就去接埋其他團友, 點知原來係朝早一齊去雙島遊既人黎架!!

首站我地去左朱古力專門店~~
入面有好多唔同種類既朱古力, 最出名係榴槤朱古力啊!!!

睇下我地揀左幾多朱古力, 有隻咖啡豆朱古力好好味添架!!!

買完野就去填飽個肚啦!!!!
導遊帶左我地去一個叫 "麗都" 既地方搵好野食~

哩度就係啦~係一個熟食街市咁既地方~!!!
有好多野食架~~~

導遊就續間同我地介紹有咩好食同唔好食既!!!
我地搵左台之後就出去揀野食啦~~
唔駛自己拎返黎架, 去完揀你想要食既野之後同佢講台號就OK架啦~~
野食黎到先比錢架添''*

我地就叫左哩D野食啦~
右上角個個燒雞翼超好味架''* 正!!
右下角個燒魔鬼魚係哩度最出名, 係一定要食架~~
第1次食魔鬼魚, 真係唔錯呀~~~點埋佢個醬真係一流啊!!!

最後就要介紹哩個必定要飲既: 桔仔冰啦!!!
前一篇都同大家講過, 成個沙巴TRIP, 飲過最最最最好味既桔仔冰就係哩度啦~~

酸味岩岩好, 超解渴呢!!! 好味到我地每人飲左2杯啊...~

佢就係我地今次既美食導遊小寶啦~佢真係好FUNNY架!!!
成日都同我地講爛GAG, 又係度講笑WOR~~~

食飽飽之後就要返酒店LU''*

記得留意我地沙巴遊記DAY 4 啦~~多謝支持!!!

鐘意SeeWide的分享，給我們一個Like吧！