寫旅遊blog以來, 較少提及旅遊時的住宿地方, 今次講講, 因為今次住的hostel, 價錢比較便宜, 加上質素頗好, 值得推薦, 所以特地談談。
不是第一次去里斯本了, 自問對呢個城市已經幾熟 (有時甚至無需看地圖都搵到要去的地方), 以前住的都是市中心小型酒店, 今次有幾位朋友一齊share cost, 可以多些住宿選擇。
我個人喜歡在旅遊時選在超級市中心的旅館, 因為實在勁討厭推行李! 哈哈!
今次選的hostel, 勁central, 而且價錢很好呀!!! 我們幾個人住的房, 幾大呀! 2張單人床, 再加2張單人碌架床。有私人洗手間, 房間頂有個天窗, 日間可以見到個藍天, 夜晚就可以睇星星!
洗手間再大少少會更好呢...那個洗手盤真的較小呀。其餘呢, 就沒有任何意見...
好型呢, 個房有個落地大玻璃窗和小露台。其實這是hostel的二樓, 往下看是hostel的入口處, reception area, 見到kitchen area... 由於hostel在建築頂樓, 上面是全玻璃屋頂, 所以光線好充足。
從我們房間露台望出去。
二樓房間外走廊。由於Hostel另有 shared bathroom的房間, 所以hostel裡另有一些 common bathrooms, 我們需要的話也可以用的。
Hostel內的一些景。
我們幾個都喜歡這間hostel, 但這間hostel有一個問題, 就是常常關掉房間裡的冷氣!! 可能係佢地想節省能源吧, 因為冷氣是中央冷氣。試過有一晚, 無端端冇冷氣, 我落去reception問點解, 那位reception desk的男仔, 話因為有另一房間的住客 (因為幾間rooms是 share同一個中央冷氣), 覺得好凍 (!!, 6月中熱到死喎)同埋冷氣槽好大聲佢睡不到 (係大聲左少少但冇咁誇張囉)。所有如果盛夏之時住呢間酒店, 可能會有少少問題。
不過如果下次我同朋友來Lisbon, 我都會選番呢間hostel, 因為地理位置實在太好, 太方便, 而且service都算幾好。
穿梭葡萄牙2012 — 待續!
