已經去了QE排胎+約見政府遺傳科~

15/3 星期六 , 當日早上返回DR.SO到拎驗血報告,看看懷孕指數是否下跌....

奇蹟當然沒有發生,懷孕指數由4048,下降到3548...DR.SO立即寫紙安排我去QE排胎...

原先計劃星期一夜晚先去QE登記....之後好似第2次咁...叫我第二日早上先再返去食藥....

點知星期六夜晚特然流血啡...搞到我好驚...好驚會毛啦啦係屋企排...

加上我頭兩次都未試過流啡血的,所以唔知道點處理.....

最終星期日整了豬排包比老公食就執野入院

可能今次胎已經排斥關係,所以當晚就要入院過一晚夜.....

老實說都已經第3次小產了....今次入院真係冇乜感覺

上兩次都有忍唔住就喊了出來,第一次喊得最勁!!!

今次係比個姑娘講咗一句說話令到我流了幾濶眼淚...

呢個說話就係

姑娘:你今次第3次小產,試過成功生一個未??

我:未呀......

姑娘:um....咁你咪好唔開心囉!?

我:係呀....(心諗..頂你呀!!唔通我Q開心咩...)忍唔住喊了

不過好快就冇事之後就打下機睇雜誌食零食,打發下時間~

因為明天早上要空胎抽血,驗免疫,飲糖水,所以12AM後唔比再食野同飲野~

當晚都算瞓得著,當然冇屋企咁好瞓喇~(我又講廢話了)

17/3 星期一 7AM D姑娘就會開始工作,之後開始抽血...一早起身比人抽7支血...見到都想暈...

抽完血又要飲糖水...飲完未食得早餐....因為要隔多兩個鍾頭再抽多支血....

驗下有冇妊娠糖尿病....因為如果有妊娠糖尿病都會令到小產的....

驗血報告超快知道....好彩我沒有妊娠糖尿病......

不過都好想知道早上抽了咁多血係去驗D咩....

當時我都有問過姑娘,佢只係講話幫我CHECK免疫....有講過風濕免疫等等....風濕免疫真係第一次聽

食完早餐後就等見醫生....見完醫生就安排食藥排胎了.......

今次排胎一D都唔痛....可能試過第一次18W排,痛到我飛起....之後第2次同今次都唔覺痛了...

今次可以話似攪肚痛想去大大果D痛,同埋血流似嚟M咁....

到了夜晚終於可以出院回家!!

QE約了我星期三 26/3返去照下睇下清乾淨未,同埋又要抽多次血驗免疫,今次姑娘話我好彩!!

因為果部機係一個月先開一次...咁我就可以唔洗去多次QE咁麻煩了~

另外都約了我25/7去見遺傳科醫生,唔知到時會講D咩呢??!!