金羅寶韓國餐廳

金羅寶韓國餐廳 - 友人聚會

可能係星星效應, 攪到全部D韓國菜更加壚憾 !

我book都book咗2日, 周圍都爆, 終於一間可以

有位都要到場等咗40-45分鐘先有得入坐, 已經醒目

早去添啊!

呢碟咁靚0既泡菜係佢地私貨野, 特別泡製, 真係唔同D

特別好味架噃! 個樣都唔行, 特別靚仔啦, 係咪!



仲送我一碟紫菜添!







泡菜豆腐湯, 好味道, 要黎撈飯好味到震!

叫咗2支米酒, 80蚊一支, 價錢都係咁上下, ok喔!



我好鍾意食韓國菜d 小碟, 好正!




 




order 咗 d 豬腩肉, 都可以!



仲叫咗d 海鮮添, 不過碟帶子就同佢本菜牌就不一,

菜牌份量0既帶子多一倍, 但當然如果你問佢, 你都

諗到佢点答, 呢排d帶子大粒嘛, 所以都係無問啦!



呢個煎餅去親食韓菜都必食, 佢呢個係餸係比較差0既一個,

厚身, 厚身本來唔係問題, 不過入面唔熟, 我要放落去燒一陣

先食.



但總括黎講都唔錯, 價錢都算合理!