婆婆的咸湯丸 & 芒果椰汁黑糯米飯

好掛住婆婆既一個菜..咸湯丸..

自從婆婆由病到走左之後,好耐無食過喇..

媽咪話佢唔識搓湯丸,所以我今日我要搵個味道出尼..

媽咪先幫我煮好個湯,有冬菇,蝦米,乾瑤柱,芹菜等等..

一返到媽咪到,我就開始整糯米團..

仲以為係一粒一粒咁搓圓..

點知經媽咪所記憶既指點,先知係搓成長條型,

然後一粒一粒咁撕出尼,直接放落D湯到..

我一邊搓,佢一邊撕,當浮起個D就先"不"起佢..唔係會變一大pet架..

咁就完成架喇...真係好有亞婆既味道,

好好食..睇返依張相,我都仲好想食呢..

飯後返到屋企,再整個細妹Order左既芒果椰汁黑糯米飯,

黑糯米係早一晚已經用水浸住,放工個時去買芒果,點知走左5個地方先買到...

真係唔要個時週街都係,要到就咁難搵..

依個甜品,又係無特別既食譜架,

只係首先浸D糯米一日,然後隔水蒸至熟,

然後就煮椰汁,加小小糖,至滾起,跟住加小小落糯米到,

再加埋芒果,再係面淋D椰汁,攪掂!!

老公話好味,同出面一樣..不過我一向都唔食依個甜品既,

覺得三樣野夾埋怪怪地呢...