我今日去老人院做義工，走時係門口睇到個地磅，我企上去，居然跳出：69.4。
我當時成個心里“拿”實，跟住心跳，好絕望。出到黎門口，睇到有一部大巴士經過，我睇住部巴士有幻覺出現，我好想部巴士撞向我，或我沖向部巴士，然后車死我！我真係期望馬上死。
為左減肥，十多年來我費盡心思，乜野方法都試過。我唔食肉、唔食油，日日食炒米粥餸咸菜，唔食晚餐。依家搞到我凡食野都好大心理負擔，一邊食一邊好折磨，但唔食又真系肚餓，如果有厭食癥就好啦，永遠唔會想食野。
最近有幾朝起床好暈，頭痛，估計係因為食得少的原因。折磨成甘既地步，身上的賤肉依然一兩不少，唉，我真系唔知要點樣做啦。
剛才同我老公講幾句，以為佢會安慰我，點知佢抓緊機會教訓我，力數我變態減肥，仲要話我甘樣既行為形響到家人，令大家唔開心，猶其係一家人出外食飯時。
我真係嬲到爆，好想跳樓！我好憎佢教訓我，所以我一直以來有野唔同佢講，佢好似唔教訓我佢會死甘樣，最乞我憎係呢只衰公總要裝出一副語重心長甘既死樣黎教訓我，搞到我好似好唔生性做人甘樣，好對唔住個仔甘樣。
本來我係想講出句發泄一下的，結果仲畀佢激到我想跳樓。我發誓，我以后無論乜野事，我寧愿憾頭埋墻都唔會同佢講半句。
唉！做人真係唔開心，非常的唔開心！早死早著！快D畀我死啦，我唔想做人！
感謝 mooimeisje 提供以上資料
mooimeisje的網誌: http://blog.xuite.net/mooimeisje/hkblog
