我老公返左廣州過年，無佢係屋企我感覺好輕松、自由，有佢係度屋企如軍營，要準時作息，準時飲食，事無大小一律要經佢指示，小至廚房塊抹手布放在那里，如何放也得要經他指示，否則又要囉嗦我，煩到抽筋。
我晚上上網搞到好夜，每當過了十二點，我就提心吊膽，擔心佢起身去廁所時看到鐘，我將客廳的燈調到最暗，然后關實道門，盡量唔好俾佢睇到客廳個鐘。佢好抵死架，當時唔會講我乜野，但會蓄埋、記住，以后教訓我時就挖出來講，一樣一樣嚟數我，好乞人憎架。
佢教訓我時，我千萬不要答口，由得佢講，講完佢就收聲，如果我一答口，嘩，開正佢果瓣，馬上長篇大論，引經據典講過沒完沒了，好似前世啞既，今世要講番夠本甘樣，煩到我真系想憾頭埋墻。有時我錯覺以為佢係我老竇，唔係我老公，連我個姑仔都講，哥哥好似養多左個女甘樣。
甘都未算，最煩系早上不論天打還是雷劈，我都要七點半起身，不為什么，只為佢煮好早餐，我必須要起身食，佢系六點半起身禮佛，然后煮早餐的，特別是周未，我個仔返左嚟，佢一定要招集全家人坐係度飲早餐，啃幾塊面包都要隆重其事甘樣坐齊係度一齊啃，唉。。。。。食龍肉都係甘話喇。
我一年之中最自由就系佢返廣州呢十日八日，從佢走出屋企門果一分鐘開始，我真系有放監的感覺。呢幾日我好自由，晚晚聽julie 聽到三、四點先瞓，早上瞓到“人間午飯時”先起身，起身后可以唔擦牙洗臉、披頭散發的上網、巡blog，回信，總之隨心所欲，真系好自由。
不過，係佢返嚟前一日，我要將全屋臺凳抹一次，抹完后最緊要記得將所有的瓷器對好、對齊、擺正位置，互相之間的距離要按佢原來的位置擺好，不能偏離或正反面調轉。例如，花瓶中間那朵花要擺正中間，偏歪一點都要話我架，一開口就話我做事“拿篩”、粗魯。
花要淋好，規定蘭花淋半咖啡杯水，大盆的花淋三分之一壺水，所有的抹手布全部換好，收下來的衣服疊好、放好，總之要全屋收拾一次，否則佢返嚟睇唔順眼的話，佢唔會話我，不過佢會馬上搞一輪，然后記住，蓄埋嚟以后又嚟數我。
終于明白點解甘多人唔意結婚、生仔，單身真系好自由、好輕松，完全按你的個人意愿嚟生活，無需向任何人交待，或顧及別人的感受，更不用面對婆媳關系。
感謝 mooimeisje 提供以上資料
mooimeisje的網誌: http://blog.xuite.net/mooimeisje/hkblog
