我的梦想成真了! 之八 -

我個仔上個星期返黎時就講，下個星期我經過綠特丹時，幫你去你上次買到julie碟果間唱片鋪睇下仲有無julie.

到了昨天，他去呢間唱片鋪揾Julie 時，老板同佢講，明天在另一個城的展覽廳有來自全世界多個國家參加的二手碟片展銷，你去果度揾下啦。嘩！福音啊！！！

今朝一早準時出發，往日出門係我老公等我，今日係我摧我老公快D

展覽館到啊，嘩，又真系幾大

好多人排隊買門票，12蚊一個人

各個檔位前都貼上參展的國家名，我好眼利，一眼就睇到“Japan”

.
馬上撲埋去

檔主係日本人，聽我話要揾julie 的黑膠大碟，馬上遞上一張“老虎”的給我。

.
打開里面是這樣的，睇到五位成員個樣

反轉后面，睇到有Julie個名，售價100歐元，嘩！搶錢咩！我當然唔賣

我話我只係想買julie ，檔主揾出八張俾我，嘩！我當時真係當場尖叫，我老公猛叫我冷靜D。
我一直就係想揾julie在巴黎上榜果張唱片，我最最鐘意就係julie唱法文，鐘意到暈。

自從得知julie有法國出過唱片后，我一直叫我個仔幫我上網睇下巴黎邊度有二手唱片鋪，有無julie的唱片賣，只要有消息我就馬上去巴黎買，但一直沒有消息。

想唔到今日竟然俾我揾到，盡管全部都係單曲細碟，不過無所謂，好聽既歌一首就足夠，而且更重要的是我好鐘意全部封套，我更在乎擁有封套，那些歌想聽歌大可以上網聽。

買完碟之后馬上指揮我老公幫我買唱機，我今晚一定要聽。但問題係邊度有唱機賣？我老公好醒目，馬上去問參展的荷蘭人，佢地肯定知的。果然，一個荷蘭檔主寫左個地址俾我地。

我地二公婆馬上按地址撲去，嘻嘻，二手野，仲唱得，50歐元。我老公是學機械出身的，電器亦好在行，佢話今晚幫我修整一下，整靚佢。

感謝 mooimeisje 提供以上資料

mooimeisje的網誌: http://blog.xuite.net/mooimeisje/hkblog

鐘意SeeWide的分享，給我們一個Like吧！

檢舉

攻略日期：N/A

攻略地點：N/A
攻略時間：N/A

是次消費：N/A